رواية ورقة جوكر..[مكتملة]

الحلقة الثانية

#ورقة_جوكر٢
#الحلقة_الثانية
يوم جديد و يارا مازالت نائمة لكنها وجدت هاتفها يهتز جانبها..
-ايوه يا هبة!
-ايوه يا هبة؟؟ الساعه ٣ العصر و حضرتك لسه نايمة؟
-قال يعني انا ورايا حاجه اعملها..ايه كنتي عايزة ايه؟
-كنت عايزة اننا نتقابل و نخرج.
-والله في كلام كتير اووي عايزة اقولهولك ..خلاص انا هقوم ألبس و نتقابل في أي كافيه.
-ماشي بس ياريت متتأخريش زي عوايدك ..انا هجيلك بعرببتي.
-ايه ده يا هبة مبروك ..نضفتي وجبتي عربية.
-سيبي المواضيع دي نفتحها لما نتقابل انا ساعة وهكون عندك..سلام.
أغلقت يارا الخط ثم نهضت من علي الفراش وهي تقول..
-ايه ده يخربيت الكسل انا مش قادره اتحرك.
ثم فتحت دولابها و انتقت ملابسها ..و ذهبت إلي المرحاض و بعدها خرجت و هي ترتدي ملابسها التي تجعلها اكثر انوثة..حتي انها اصبحت امرأة طاغية الجمال بخصلات شعرها التي كانت منتشرة ..وخرجت من غرفتها لتستأذن والدها للخروج..
-بابا بعد اذنك انا هنزل اقابل هبة صاحبتي .
-ماشي يا يويو بس هتروحوا فين؟
-نلف شوية و بعدين نقعد في أي كافيه.
-ماشي يا حبيتي معاكي فلوس؟
-اه يا بابا معايا.
وهنا خرجت والدتها من المطبخ وهي تقول ..
-نزله تتفسحي و سايبة امك في المطبخ لوحدها؟
-يا ماما انا مش بحب المطبخ وبعدين منا روقت الشقة!
-مش بتحبي المطبخ ولما تتجوزي هتعملي ايه؟ و بعدين ترويق ايه الكرواتة اللي انتي عملاها ده؟
-ماما عشان خاطري سيبيني انزل صاحبتي مستنياني سلام.
و خرجت من المنزل ولكنها قبل ان تغلق الباب..
-و علي فكرة بقي انا مش هتجوز بردو.
حدفت والدتها في وجهها الشئ الذي كانت ترتدي لكنها لم تأتي في يارا فخرجت يارا و هي تضحك علي والدتها.
نزلت يارا لتجد هبة صديقتها و معها سيارتها..هبه صديقة يارا منذ المرحلة الثانوية..فتاة في غاية الاحترام و الاتزان .. ليست جميلة كجمال يارا لكنها كانت مقتربة من ربها اكثر من يارا ..فتاة ذات بشرة بيضاء ..طول يارا تقريبا..لديها انف كبيرة قليلا و فم صغير و عيون زرقاء..ترتدي ملابس محتشمة للغاية تجعلها اكثر جمالا حتي انها ظهرت كأميرة بملامحها الرقيقة و عيونها الملفتة..
-سنة يا زفتة عشان تنزلي.
-يخرببتك يا هبة و يخربيت حلوتك ايه ده انتي احلويتي كده ازاي؟
-لو انا حلوة يبقي انتي ايه؟
-انتي أحلي طبعا..ايه ده انتي اتجوزتي ثري عربي؟
-العربية دي انا بحوش فيها من سبع سنين متجيش انتي بنظرة منك تبوظهالي!!
ضحكت يارا علي طريقة هبة وهي تقول..
-لأ خلاص مش هحسد ..بخري و خمسي يا هبة.
-اركبي بقي عشان أوديكي محل جديد بيبيع حاجة بتحبيها.
                             *******
في فيلا "ال حسين " كان خالد يجلس علي فراشه و يفكر في عمله..لكنه فكر في ان يتصفح مواقع التواصل الاجتماعي..ليجد اول منشور لصديقه ايهاب ..
" يا جماعه قولولي اسماء بنات عشان انا هيبقي عندي بنت" و بالطبع علق له خالد علي هذا المنشور ليهنئه بأول مولودة له.. لكن في رأسه ألف فكرة و في قلبه ألف شعور..
"يااااه ..كل صحابك اتجوزوا و خلفوا يا خالد ..انت مستني ايه؟ خايف من ايه؟ ليه علي طول حاسس انك اقل من الكل..انت معترض علي إرادة ربنا انه ابتلاك بحاجه زي كده ولا معترض علي ايه؟ "
ثم نهض من علي فراشه وخرج ليقف في البلكون وهو يدخن سيجارته.. يا له من شعور ..شعور العجز ..شعور انك لن تجد الفتاه التي سوف تقبل كل شئ بك ..سواء حلو او مر...
" خلاص يئست ..هعيش عشان نفسي و بس ..هعيش عشان خالد و بس"
ثم اتصل بصديقه باسل لكي يذهبا إلي البار كعادتيهم..
هل هذا هروب؟ هروب بشكل مختلف..يريد ان يشرب و يسكر و يرقص لينسي اي شئ و كل شئ..
                             ******
"مش عارفة يا هبة ..بس انا بجد زهقانة من القعدة في البيت ..عايزة اعمل حاجه جديدة "
قالتها يارا و معها صديقتها هبه..في مكان غايه الجمال والروعة..أرادت يارا ان تتكلم مع صديقتها..تشعر بشعور الاختناق بعض الشئ ..تريد ان تشعر بالراحة..لكن كيف لا تشعر بالراحة وهي لم تفعل شئ؟
-هبة سيبك من الايس كريم ده و ركزي معايا!!
-اهو سيبته..ايه بقي كنتي بتقولي ايه؟
-كنت بقول اني مخنوقة و حاسة ان في حاجة خنقاني ومش عارفة أشيلها!!
-بصي يا يارا انتي بتصلي؟
-يعني مش بانتظام!
-قولي انك مش بتصلي وخلاص!
-مش بصلي يا ستي بس ايه علاقته باللي بقوله؟
-طب بتقرأي قرآن؟
-عايزة تقولي ايه يا هبة؟
-عايزة اقول انك مش هتعرفي تبقي كويسة و مرتاحة غير لما تصلي و تقربي من ربنا!!
-يا سلام طب ما هو فيه مسحين ويهود مرتاحين!
-ومين قالك انهم مش بيصلوا؟ علي الأقل بيدعوا ربنا!
-تفتكري؟
-افتكر وبعدين انتي بتسمعي اغاني كتير اووي!!
-طب وايه المشكلة؟
-يا ستي مفيش مشكلة بس اسمعي. قرآن بردو مرة!!
-ماشي المهم ايه رأيك في موضوع الشغل ده؟
-هو انتي هتشتغلي ايه بالظبط في الشركة دي؟
-سكرتيرة المدير العام!!
-طب حلو روحي و جربي..بس ادعي انهم يقبلوكي!
-ليه ميقبلونيش بقي؟
-عشان حضرتك اول مره تشتغلي يا هانم!!  وغير كده سنك صغير!
-اممم حاضر هدعي ربنا.
-يلا بقي يا يويو عشان الوقت اتاخر و ألحق أوصلك.