Song of The Rebellion

The Way Back

Art's POV

Bumaba na kami ni Cal mula sa likod ni Blobblebutt. Matinding byahe din yun ah. Akalain niyo, sa loob ng isang araw, back and forth kami sa Arcadia at Garden of Hesperides!

Pinauwi kami ni Artemis kaya heto kami ngayon sa malawak na hardin ng Arcadia, kararating lang.

Sinalubong kami ni Persephone na magkasalubong ang kilay. "Where are the Hesperides?"

"Dadalhin daw sila ni Artemis sa secret hide-out ng mga Gods para dun magpagamot." sagot ko. May pa hide-out pa silang nalalaman eh halata namang sa Mount Olympus ang destinasyon nila. Hmp!

Napansin ko kaagad ang pawis sa noo ng goddess nang makalapit ako sa kanya.

"Uhh.. Persephone? May problema ba?" nag-aalala kong tanong.

Baka kasi depressed siya sa mga nangyayari iihh! Baka nga kailangan niya ng somebody to lean on.

Gusto ko lang naman ipaalam sa kanya na andito ako.

Palinga-linga pa siya bago ako hatakin papasok ng palasyo. Nagtago kami sa isang sulok sa likod ng malaking pinto.

"Something has changed." aniya at binitiwan ako. "The force of the rebels is wavering."

Agad akong napaisip ng malalim sa sinabi niya. May nagbago sa mga rebels...

"Nanghina ba yung kapangyarihan nila?" tanong ko ulit.

Tumango si Persephone. "It's like a big chunk of their power... vanished. Have you not seen this in one of your visions?"

"Huh." umiling ako. "Hindi na gaanong nagpapakita yung visions ko simula nung nakalabas ako ng Elysium.. pasensya na.."

Dahan-dahang sinuklay ni Persephone ang aking buhok gamit ang kanyang mahahabang daliri. "Golden locks of hair..."

Nagulat ako nang kumuha siya ng isang strand ng buhok ko at sinara ang kanyang palad.

HALAAAAA!! Babarangin niya ba ako?!?!

WAAAAAHHHH!!!

Bago pa ako makatakbo, binuksan niya ang kanyang kamay at napalitan na ng gintong abo ang buhok ko.

"When the sun meets the moon, nothing is invisible." tinignan niya ako. "Your golden hair is the sun and my hand shall be the moon."

Woah. Ang galing.

Very poetic!!

"Now, show us what we have missed." saad niya at inilahad ang kanyang kamay sa aking harap.

Nag-antay ako na may mangyaring kakaiba. Ilang segundo ang lumipas at handa na akong tumakbo dahil baka may lulutang na manika sa kamay niya tas ako pala yun tas babarangin nga niya ako!

Mabuti nalang at hindi manika yung lumabas. Kundi, anino ng isang babae at lalake na magkahawak ang kamay. Tumatakbo lang sila.

"Cesia?" lumapit pa ako ng konti para matignan ng maayos kung tama ba yung kutob ko.

At tama nga! Sila Cesia nga!! IIIIHHHHH!!

Magcecelebrate na sana ako nang napalitan ito ng anino ng isang babaeng nakatayo sa gitna.

Isang goddess.

Nagkasalubong ang mga mata namin at naramdaman ko ang mahinang hatak ng kaluluwa ko papalabas ng katawan ko.

"W-wag!" nawalan ako ng balanse at tuluyan na ngang natumba.

Nanlalaki ang aking mga mata habang nakaupo sa sahig. Ganun pa rin ang hitsura ko pagkatapos akong alalayan ni Persephone na tumayo.