Song of The Rebellion

The Present Realm

Thea's POV

Tinapik ko ang makina saka ako napatingin sa aking mga kamay na nadungisan dahil sa halos limang oras na pag-aayos ko ng generator.

"Yung platform nga pala, okay na ba?" tanong ko kay Bo na nakaupo sa gitna ng mga blueprints na tatlong araw kong ginawa.

Ginawa ko ito para sa aking proposal na magtayo ng defense mechanism ng Academy. Yung hindi barrier lang.

"I love this twelve-cannons-hidden-inside-the-ground-of-the-Academy idea." kinuha ni Bo ang isa sa blueprints.

Napangiti ako at umupo sa kanyang tapat. Napatigin rin ako sa blueprint na hawak-hawak niya.

"Nameasure ko na yung width ng lupa ng Academy. Makakaya nito ang bigat ng labindalawang cannons." sabi ko sa kanya. "Pero kailangan muna nating gibain yung underground na kulungan kung ganon."

"Still can't believe you created ten blueprints within a span of three days." umiling-iling siya dahilan na matawa ako.

Sa totoo lang, kailangan eh.

Kailangan kong magmadali dahil baka bukas aatakihin kami ng mga kampon ni Eris.

Mahirap na pag wala kaming pangdepensa. Mas mahirap nga ngayon kasi wala dito ang nangungunang taga-protekta ng Academy.

Kaya dapat kong gumalaw. Hindi pwede ang mag aksaya ng oras.

"Huh. Akala ko kasi wala kang ginawa kundi ang umiyak nang iyak." sambit ni Bo.

Natawa ulit ako. Hindi niya alam na habang ginagawa ko yan sa gabi, walang tigil ang pag agos ng mga luha ko. Natatandaan ko kasi na kaya ako gumagawa ng blueprints para pang depensa ng Academy dahil wala na sila...

"You do know that the defense barrier is controlled by the aurais in another room?" tanong ni Bo.

Tumango ako. "Kaya nga.. balak kong ilipat lahat ng controls dito."

Pagkatapos kausapin si Bo patungkol sa blueprints at mga plano ko para sa Academy, tumayo na ako at pumunta sa nakatagong silid ng mechanical room para magbihis.

Naalala kong hindi pa pala ako nakakain ng pananghalian kaya napagdesisyunan kong bumalik muna sa dorm para doon kumain.

"Kakain muna ako. Ikaw ba?" tanong ko kay Bo.

Itinaas niya ang kanyang flask na may lamang alak kaya tumango nalang ako.

Ba't pa nga ba ako nagtatanong eh baliktad naman yung sikmura nyan.

Okay na kahit walang lamang pagkain ang tiyan niya basta't nalalagyan lang ito ng kaunting alak, makakasurvive na ang satyr na yan.

Habang naglalakad patungo sa dorm, nag-iisip ako kung saang sulok ng academy napunta si Seht.

Kumain na kaya siya?

"Seeehhtt!!" sigaw ko pagpasok ko ng dorm. Walang sumagot kaya nalaman ko kaagad na walang tao.

May nakahandang pagkain sa kusina kaya napangiti ako. Sa tabi ng pagkain ay isang sticky note.

'I just fed Blubblebutt and Cetus. My instincts told me you haven't eaten yet so don't starve yourself. I'm at the clinic.'

Para akong baliw na ngumingiti-ngiti habang kumakain. Pansamantalang nabura ang aking ngiti nang mapansing nag-iisa lamang ako.

Hindi ko na naririnig ang pagbabangayan nina Ria at Chase.