Habang may buhay ang problema’y hindi nauubos
Mapa maliit o malaking sulirani’y sayo’y ibubuhos
Gaano ba kalaki ang kasalanang aking tinutubos?
Dahil kahit anong pagsusumikap ang gawin ay laging kapos
Sa bawat araw na nagdaraan
Kahit paunti- unti ay may nalalampasan
Subalit tadhana’y sadyang may kapilyahan
Problemang nalutas ay agad ring susundan
Sabi nila’y walang problemang
ibinibigay na hindi kayang lutasin
Ngunit minsan sa bigat at dami’y hindi na alam kung ano ang gagawin
Kaliwa’t kanan ang mga bagay na kailangang isipin
Sana sa isang linggo’y may isang araw na walang kailangang indahin
Kung minsan naman ang pagdating ay sabay sabay
Ano ba naman ito’t ‘di marunong maghinay-hinay
Mistula na akong hayop na kinakatay
Sa bugbog ay puro na sugat at latay
Buhay nga ba’y bakit ganito?
Pagkatao ko’y tila may nakadirektang imbudo
Kapag may isinaboy na problema’y salo lang ng salo
Walang tinatapon at walang pakialam kahit na ako’y mapuno
***WAKAS***
BINABASA MO ANG
Likhang Tula (COMPLETED)
PoesiaKung puso'y nag-hahanap ng kaunting kurot Ito ang akdang sa kalooban mo'y lalapirot Mababatid na buhay ay hindi biro at masalimuot Sa reyalidad tiyak ika'y mapapahugot Sa koleksyong ito'y napapaloob ang mga madamdaming salaysay Ng mga kaganapang nan...
