Howl Of The Moon's Knight ✔ (Under Editing)

Chapter 15 -Battle begin

Third person's POV

Lumipas ang isang linggo ay naging abala ang malalakas na kababaihan upang makipagtunggali sa gaganaping paligsahan para maging reyna ng pinakamalaki at pinakamakapangyarihang kaharian sa Tenderu na walang iba kung di ang Holy Crescent na pinamumunuan ng isang hindi pangkaraniwan,at kinatatakutang alpha king na si Dark Zerux Creozen.

Marami ang nakilahok sa paligsahan,gaya ng sinabi ni Daseri maaring lumahok ang kahit sinong nilalang sa Tenderu.

May mga ilang she-wolf ang nakilahok pero sila yung mga anak,apo o kamag-anak ng mga council ,kasama din ang mismong naghamon sa mate ng alpha na si Samantha Alveya na apo ni Sergio Alveya na syang leader ng council ,walang nakilahok sa mga pack na nasasakupan ng alpha dahil mas suportado sila sa totoong mate ng alpha.Nasa labinglima ang bilang ng nakilahok na werewolves

Meron ding mga sirena na sumali,malalakas din sila sapagkat may kakayahan silang kumontrol ng tubig at makapanlinlang gamit ang kanilang tinig,maari rin silang magkatawang panlupa kapag sila ay umaahon sa tubig.Tatlongpu ang lahat na sumali na sirena sa kaharian ng Marine Scale  na pinamumunuan ng reyna nilang si Werra Oceana

Ang mga witch, o sorcerer naman ay nasa tatlongpu't limaang bilang,mas marami ang sumali sa kanila sa pagkat ang kanilang reyna nasi Maryvett Stallia ay naniniwala na kapag nagkaroon sila ng pinunong isinilang na may taglay ng kapangyarihan mula pa ng ito ay bata ay magkakaroon sila ng sapat na mahika sa pagkat ang mga witch at sorceress pala ay limitado lang kasi ang kapangyarihan na hindi alam ng mga tao dahil oras na sumobra sila sa paggamit ng kanilang mahika ay maaring maubusan sila ng mahika o dika'y magkaroon ng side effects ito sa kanilang katawan tulad ng pagkulubot ng kanilang balat a o dika'y pagpangit ang kanilang mukha.

Ang panghuling mga nakilahok ay ang kaharian ng Blood Fang na nasa 20 ang bilang ng makikilahok.Ang buong akala ng mga tao ay magkaaway ang mga bampira at ang mga lobo pero ang totoo kaya sila laging nagtatalo ay dahil sa amoy.Para kasi sa mga lobo ang amoy nila ay parang amoy regla samantala ang mga bambira naman ang amoy ng mga lobo ay parang aso na di naligo,kaya madalas magdibate ang dalawang klse ng mortal pero hindi naman umabot na naglunsad ng digmaan ang dalawang kaharian hangang asaran lang sila ay ang matalo uuwing asar talo.Parang  kaibigan narin ang turing ng alpha king sa hari nilang si Vlady Dracula na labinglima libong taon na ang tanda pero piling binata parin kahit meron na syang beloved. Pero ang kinaiinisan lang ng alpha dito ay ang mga bastos na jokes nito,pati narin ang malakas na sense of humor nito na akala mo ay KSP o kulang sa pansin pero masaya itong kasama pero wag mo lang itong ibibilad sa araw hindi dahil sa masusunog ito kundi lumalabas lang ebidensya kung gaano sila katanda na halos magmukha ng paniki.

Kung pagsasamasamahin ay nasa isang daan lahat ang bilang ng kailangang talunin ni Daseri sa isang survival battle kung saan kailangang matira ang matibay.

Maglalaban sila sa gitna ng arena ,isa laban sa lahat at lahat laban sa isa ang klase ng labanan ng mangyayari.

Ang pinakahuling babaeng maiiwang nakatayo ang syang tatanghalin bilang Luna queen ng Holy Crescent Kingdom na siguradong igagalang din ng ibang kaharian kaya marami ang nais na magwagi sa kanila.

Binigyan silang lahat ng isang linggo para lang magsanay sa gaganaping paligsahan pero ang mate ng alpha na kasali mismo sa paligsahan ay puro paglalaro lang ng manika ang inatupag nitong nagdaang isang linggo.

Sobrang kinakabahan ang alpha dahil hindi nagsasanay ang mate nya dahil puro manika lamang nito pero gaya ng sinabi ng anyang mate ay kailangan nyang magtiwala sa kakayahan ni Daseri na sinabi rin ni Layla ang Titania ng ikalimang kaharian.

Sumapit ang araw na pinakahihintay ng lahat,ang araw ng pagtutunggali.Napuno ang napakalaking arena ng mga nais makita ang paligsahan.

Unang dumating ang reyna ng Marine Scale na nakasuot ng asul na gown na may mga disenyong kaliskis at perlas sa paligid nito.