Stolen Kisses, Pretty Lies

Chapter 7

Chapter 7: Nervous

NAPAANGAT ako ng ulo sa narinig ko. Shit, kalma Harley kalma, maganda ka. Paglingon ko ay nakita ko si Blade sa tabi ko at nakatingin sa cellphone niya at si Spike naman ay nagsusulat pa rin.

"Anong sinasabi mo dyan?" Tanong ko sakanya, napalingon naman siya sakin.

"Ha? Wala yung video kasi yung sinagot nung lalaki yung baklang nanliligaw sakanya. Nakakatawa lang hahaha," sabi niya at natawa pero sarkastiko.

Tama ba ang narinig ko? Natawa siya doon? Sa bakla...

"Ahh support mo ba LGBT?"

"No"

"Bakit?"

"May trauma ako sa mga bakla."

Trauma? Bakit hindi ko alam?

"Ahhh bakit naman?"

"Basta family problem lang."

"Ah k."

"Oy bro."

"Oh?"

"Samahan mo ko mamaya sa bar ni Kenny."

"Bakit?"

"Wala lang," malungkot niyang sabi. Hindi pa rin ba siya nakakamove on? Kung sabagay eh wala pa atang isang linggo silang hiwalay.

"Sige, isama natin si Spike."

"Huwag na, busy 'yan mamaya."

"Luh okay."

Pagkatapos ng klase ay nagpunta na kami sa canteen para maglunch. Asusual 2 hours uli ang vacant namin kaya siguradong magtatagal kami dito. Dito lang naman kasi kami madalas tumambay eh.

"Libre nyo nalang ako," sabi ko dahil ewan tinatamad akong pumila eh. Impatient ako kaya ayokong pinaghihintay ako, unless importante.

"Ang tamad mo bro!"

Tawa pa.

"Tsk geh na gusto ko beef steak at dalawang rice," sabi ko sakanila at pumila na silang dalawa. Naiwan naman ako so magsasoundtrip muna ako.

Alam nyo bang yung dalawang rice ko na 'yon ay kulang pa kay Spike? Ewan ko ba nakakapagtaka talaga ang takaw nilang pareho pero 'di nawawalan ng abs grabe. Swerte ko talaga dahil mga kaibigan ko sila. Aba ang daming estudyanteng gusto silang kaibiganin dahil sa pera at talino eh. Why so desperate guys?

Ang napili kong patugtugin ay iyong "sexy back" ni Justin Timberlake. Alam niyo bang sa sobrang goodboy ni Spike ay NGSB siya? Minsan iniisip ko kung nababakla na rin siya eh. Pero eww lang hindi bagay saka wala naman akong nakikitang sign na bumigay na siya. Wala pa rin 'yang nililigawan saka kapag nakakausap siya ng mga babae hanggang friends lang daw. At hindi ko makakalimutan yung sinabi niya sakin dati, kaya raw ayaw niya mag-girlfriend kasi may hinihintay siya. Ayaw namang sabihin, baliw talaga.

Nasa kalagitnaan ako ng pag-e-enjoy sa tugtog ng may marinig akong nabasag. Napalingon ako sa tabi ko at napamura nalang ako sa nakita ko.

"Ang tanga kasi," cold na sabi ni Blade sa babaeng nakayuko at kung hindi ako nagkakamali ay si Valeen 'yon.

Gusto ko silang lapitan pero parang pinipigilan ako ng mga paa ko. Nanatili lang akong nakaupo at naghihintay sa susunod na mangyayari.

"Sorry, h-hindi ko sinas-sadya..." gusto niyang punasan ang damit ni Blade na natapunan ng apple juice. Pero tinabig lang siya nito dahilan ng pagtumba niya, shit.

"Sa susunod kasi mag-isip ka muna bago ka kumilos," sabi ni Blade at inis na nilapag ang order niya sa lamesa.

Hindi ko napansing kanina pa pala nandito si Spike at ayon kumakain na. Gustong gusto kong tulungan si Valeen na tumayo. Tumayo ako pero pinigilan ako ni Spike gamit ang kanang kamay niya. Pinandilatan ko siya at umalis ako para tulungan si Val.