جنون الصبا

ألجزء ألاول....

السلام عليكم
نازك الحمراني

راح نكمل ((جنون الصبا ))
ما هو ذلك الجنون المقصود ياترى ؟؟
اممكن ان يكون ذلك العناق ألطويل
الضحكات المجتمعه
سهرات اليل واسراره الخفيه
ضحكات طفوليه قبل ألتقاط الصور
دموع ألعاشقين
سلسلة الوداعات
وداعات ألأحباب
وداعات الأقربون
ودعات ألشارع ألحي الزقاق ألضيق
الكل يمضي ألى حياته ويتغير
ألا العاشقين
ثابتين لايتغير حبهم.
مهما طال وتقلب بهم الزمان
لان جنونهم هو
نور الربيع
عبق السنابل
مهما حاولو أن يخونو ألذاكرة لينسو
لا يستطيعوا
فعندما تسألهم لماذا تتشبثون بماضيكم
يقولون بتنهيده حزينه
-لأنهُ جنون صبانا...
ونبضات حبنا الذي لا يموت

المنطقه أطراف الدوره
الحي عرب جبور
ألزمن ألحاضر ٢٠٠٤
الشهر العاشر
نصفه البارد

جمانه
أليله حسيتها مختلفه..
مااعرف ليش
ضحكتي ماليه وجهي
أغنية سيدة عمري كررتها هواي واني سمعها بالdvd و القرص الي جبته من فترة من عمتي دنيا

عمتي دنيا حيل أتحب كاظم ألساهر
ومشتريه أقراصه كلها

اخذت منها القرص الاحدث بينهم
سيدة عمري

وتمنيت ألكى عدها إغنيه احبك جدا
جان بداخلي عطش ولهفه لهالاغنية

أنكر احاسيسي ...واجاوب حالي
لا أني احبها لوحدي
هو شنو دخله
عقلي يكلي كذابه
أنتي سمعتيها من سيارته
وهو دائما يشغلها ويسمعنياهه...
الى ان حبيتيها
نقاش لا بل صراع بداخلي
وعدم اعتراف بمشاعري
نكران للذات العاشقه

نمت واني اتحسر عالصار
ولي سويته بيه
شنو أني أحبه
لا مو حب
بكد ما ندم على أسلوبي المستفز ويا

أي ماأحس احبه
بس احس كلبي  دايوجعني
كلبي الي امتلك گلبه بدون ما يكون اله اي سيطرة
طفيت الDVD ومددت عدل
بين افكاري و مخيلتي الواسعه

كعدت ألصبح متكاسله لأن منايمه
بسبب التفكير المفرط بلي يصير وياي
غسلت وجهي
ماما واكفه يمي دترتب تنورتها والستره
كلتلها بصيغة سؤال

-مامه دا أحس مغص بطني

-ليش يوم خاف مرضيه وقت البيريود

-لا مامه مو بطني بس ألمغص ألي يصير أبطني كلمرة دايصير بكلبي
باوعتلي وبضحكه المتفاجئة

-عزززا عاشكه ومفلسه هههههه
اتركي هل سوالف مامه
جهزي نفسج بسرعه لا يغلبج الوكت وتتاخرين الريوك بالمطبخ
كعدي جنه وياچ
وبطلي تتموعين تداومين يعني تداومين
لا كلبي ولا بطني ولا ظهري
كملي امورج ويالله للمدرسه

أبتعدت وهي تصنف عليه
لان اكوللها كلبي يوجعني مثل وجع بطني
مدري شبيه صايرة كلش موزينه
الحمد الله ما ربطت كلامي 
خصوص بهالفترة
الي حيدر تركني بيها ورا مصيبتي لسويتها بي