جنون الصبا

الجزء الثاني(حمراء قرمزيه)

السلام عليكم
نازك الحمراني

حبايب أليوم ألبارت خصصته فقط أليوم دخول أمريكا للعراق
القصه بعيده عن السياسه فالاتخافون بس هل بارت
لازم اذكر هل يوم برغم اغلب الكاتبات واني منهم
ذاكرتها وحتى بقصتي امسيت قربان
بس مو بهيج تفصيل مهم لان هل تفصيل رح يكون سبب بألتقاء البطلين

..ليله حمراء قرمزيه...
اباحه بين اهات الجواري
وانين العاهرات
تسقط الاقنعة
تظهر الوجوه الملونه
لتسكت شهرزاد عن الدم المباح
فشهريار ما زال يروي ليال الدم
بسيفه الذي لن يرتاح
ليال القهر لن تدوم
والظالمون في هم لا يستراح
ليالي الخير ستاتي وتلوح
وتمسح كل دمع براح
وجه الصباح ات بعد فجر الدجى
بعد ان يظهر نورهم الوضاح
هذا ما كتب في الالواح
ونحن ننتظر صياح ألديك
عن الدم المباح
....بقلمي...

المكان بغداد..المنطقه الكرادة
السنه ٢٠٠٣ .....

ألجد صافن عيونه تباع البنته دنيا
والزوجة أبنه ندى
وابنه مخلد

زوجة ابنه ندى تقري بنتها جنى
وجمانه وجنه كاعدات على قنفه يكتبن
بعيونه دمعه وخوف من الجاي
والكل يحجي بلحرب

خوفه مو من موت وهو رجال تعدى الستين خوفه على عائلته وعلى أبنه نبيل
نبيل الشاب صاحب عمر الخمسه وتلاثين سنه متزوج من بنت خالته ندى من عمره ١٩ سنه

برغم نبيل أتزوج مبكر
لكن بشخصيته القاسيه الجارحه جان شاب حلم كل ابنيه
والحد هل لحظه يعتبر فارس احلام البعض
أعتنائه بنفسه شياكته الي يشاهد بنته جمانه
يكول اخته مو بنته
بسبب همته وحبه للعسكريه
نبيبل نال شرف ايكون ملازم اول
بعمر اثنين وعشرين سنه
قسوة العسكريه نعكست سلبآ على عائلته وخاص بناته
جمانة جنة

وكف ألملازم بصاله وهو يباوع على والده ابو نبيل

-يابه بناتي وزوجتي بعهدتك
رايح اني التحق

كام وهو يراقب أبنه ألملازم
يباوعله نظرت أب خايف على ابنه
وهو كاشخ بزيتوني ورتبه العسكريه الذهبيه التلمع
والبيريه السوده والنسر
يريد يلتحق تلبيه لنداء ألوطن
كام وهو يشبكه

-لاتوصيني يابه نبيل تعرف كلش زين
جمانه وخواتها موبس حفيدات
لا بناتي حالهن من حال عمتهن دنيا
روح أبني ربي يحفظك

-مو بس بناتك انت حتى مدلعهن عليه

-لا تضوجهن ابني انت رايح للحرب حسسهن بحبك
-لعد أني شنو راس مالي غير هن وأمهن

-لعد حسسهن خصوص بنتك جمانه شوفها شلون
خايفه عليك
وانت ضربتها لأن كاتبه على كتاب القرآة مالتها

بسد جدو واكفه تقرب بابا باس راسي
-ديربالج على أمچ وخواتچ آنتي الكبيره
مكدرت اجاوبه لان خايفه عليه برغم بروده كأب