جنون الصبا

الجزء الرابع

السلام عليكم
نازك الحمراني

ماچان للموعد فضل،حَبّيتك من الصـدفة

جمانه:ابجي وحدي كطعت الاكل محد يعرف شبيه
قضيت اربع ايام عند بيت جدو واحس مضيعه شي وداخلي مشاعر خوف وفقد من الي صار
وصوت ذاك الملثم ألي طلع من لسيارة يصيح ويدفع بحيدر

-وخرررر عنها عوفها هاي لبسها يخرب بناتنا لازم اربيها

جاوبه حيدر

-یول تخسى یول وربک انت نثيه تتهجم على نثيه

ألتفتت عليه حيدر

_روحي جمانه ألبيتكم بسرعه اكو هنا ناس يراد الها تربيه

- شلون اعوفك وحدك

-روحي و لا تلتفتين ...لاتلتفتین ابد روووحي

_مااكدر

عاط

_روووووووحي يول روووحي ابويه

بقوة صياحه مشيت حيل بسرعه شبه الركضت  اجرت تكسي ومااعرف شنو الي صار بعد مارحت
تملكني خوف طول الطريق
منو ذول الي بسياره وليش حيدر مسلح وشنو مصيرة

دخلت التكسي لشارعنا واشوف جدو منتظرني باب بيتنا ركضت شبكته أبجي

-جدو سياره بيها ملثمين حسيتهم حيخطفوني 
جدووو اخاف

- على كيفج اهدي واحجي شكو .. احجي

-ماأعرف مدا اعرف جدو....هيج سياره بيضه كمارو أجتي تعترض طريقي طلع واحد منها يصيح وشردت مدا اعرف جدو

-تعالي ويانه غيري جو عدنا  لا تخافين ابد

-لا جدو بس مشفت ألي شفته

-لا جدو جمانه مدام كلتي سياره كمارو محيسوون شي

-شنو جدو منو ذول تعرفهم

-لا حبيبتي مااعرفهم بس انتشرو بأغلب مناطق بغداد ساقطين يردونا نمشي على هواهم يولون موعلمودهم أنغير لبسنا أليوم يتحكمون بلبسنا باجر بحالنا ومالنا منو همه شنو همه شنو موديلهم منعرف اصلهم فروخ بغداد صارو زلم تالي تعالي جدو راح اخذلج إجازه تكعدين يمنا واني اخلي عمامج يحلون هالموضوع

-أخذوني ماكدر ابقى هنا...مااريد جدو...

أدموعي من خيال ألملثم مهدأت بقيت أربع أيام بيت جدو حاول جدو وعمامي بعد ماأخذت اجازه يطلعوني من الي شفته برغم تكرر بأكثر من مدرسه واعتبرو اصحابها مجرد يهددون ميقتلون عمي مخلد اخذني بسيارته هو ديسوق واني بصدر يمه كلي

- ترة والله انتي سباعيه
ليش تخافين ترة ذوله شله تعبانه متلبسين بالدين وعمامج اجرو اللازم وياهم

-لا مخلد مو شغلت خفت بس
سكتت مردت اتكلم عن حيدر وهو بقى يمهم

-شوفي تعمدت أخذج بالسيارة
جوجه هناك السياره ألي شفتيها نفسها