جنون الصبا

الثالث من التكمله

السلام عليكم
نازك الحمراني

تمشيت خارج المطار وكانت سيارة تابعة النه بأنتظارنه
حتى تقلنه للفندق الخاص ركبتها وصار الشخص وراي اجى يكعد بسياره انداريت عليه كتله

-ووين جاي مايصير هيج وين مااروح وراي ماكو هيج صدف حيل زودته.

-هااي سيارتي منو جاي وراج

-سيارتك؟؟ شنووو

جاوب بهدوء وهو ينزع مناظره الشمسيه

_ست جمانه ولا يهمج عادي اخذي سيارتي

ردت اتجادل وياه بس تأكدت من الورقه الي بيدي صار خربط بتكسي بس هل مره اني استعجلت.

جاي انزل بس هو دنج على جام السيارة  حجى باللغة التركية للسائق انو عادي راح ياخذ غير تكسي هيج فهمت من الاشاره الي بينه وبين السايق

ركبت السياره وبيدي كارت دفعت افلوسه كارت نت واتصال مافعلته لان دايخه فد مره

السايق يسولف بس مافهمت منه ولا كلمه وكف السياره عرفت وصلت للفندق 

جان فندق كلش راقي دخلت وسلم عليه البواب بتحيه حلوه

كعدت  بالريسبشن بانتظار يوصلوني للغرف مرت  مدة قصيرة من جانب ادارة الفندق وبعد توقيع أوراق روتينيه اخذوني عالغرفه

الأجواء اول مره اعيشها بس حلم كأنما بحلم لان عمري ماتوقعت اعيش مثل لحظات الأفلام انو البطله تسافر وحدها واكو من يشيل الجنط وياخذها للغرفه

اكيد بفضل الله وحيدر خلاني اشوف واعيش هيج اجواء

ووصلت الغرفتي كانت بالطابق الثاني صعدت الها ودفعت بقشيش للعامل اول ماسديت باب الغرفه  شمرت جسمي على السرير وارتاح وصلت للطابق واشوف ابو شعر سلفري بنفس الممر يتمشى

فكيت حلكي مصدومة هاي معقولة صدفة هم لو متعمد تاهت عليه جاي يسحب بالجنطة مالته وكفته وراه العامل عرفت هذا اليسمو محاسن مدري مساوىء الصدف

انو هذا الرجال هم طلع بنفس الطابق لكن بينه فرق كم غرفة
مدري ليش حسيت وراه شي عبالك مستقصدني

المهم ماعليه هو بنهاية المرر واني بداية الممر المهم مو يمي ابد
دخلت لغرفتي وصولي أقصى أمنياتي لان تعبانة ونعسانة شمرت كل غراضي

ارتاحيت دقيقه ودخلت للحمام اخذت شاور نشفت جسمي وبسرعه بدلت طلعت من الحمام اخذت موبايلي اكنك واتصل على حيدر اطمنه أنه وصلنه

اعرف هسه باله يمي ومنتظرني على نار اطمنه وصلت واموري تمام
عبيت الكارت الي اشتريته من مطار تركيا وخابرت حيدر

وبالي هو مشتاق إليه  مثل ماانه مشتاقه اله لان عبالك مو يوم سنه اتصل ميجاوب رجعت عدت الاتصال همات ماكو اي جواب مو عوايده جهازة بعيد عليه