جنون الصبا

جزء الخامس والثلاثون

السلام عليكم
نازك الحمراني
حيدر
نحن أيضاً گ الكمان، نحتاج إلى كتف نتكئ عليه ‏حتى يستقيم اللحن.

-شنو ؟؟وين رحتو؟؟

-أني مقام والدك لا تفتح عيونك عليه هيج
اكوملك ترة والله
زودتها حيدر حيل زودتها

- عمي بس ....

-خليني أكمل كلامي لا تفشلني

-ومن شوكت أجيتني ورجعتك
بس مااعرف أسد شنو فهمك

کبالي أسد يركص بحاجبه
-شوفه شيسوي عمي ضحك علينا

-أسد ونعم منه بس هو من حبك لاشاك
حويدر لاتغير الموضوع أنت شمصخم وشعامل أدري ألماعنده چبیر یسویله چبیر والماعنده أخو يشتريله أخوه

وأنت عندك ألچبیر وعندك الأخوان بس ليش تصرف من راسك
بس كلي بويه عمامك وخوالك من الصوبين محد مالي عينك
شامر مريتك بلشهر ونص...
ماتكول أهله شرح يحجون ...
اول حجايه تجي بالهم
عشيرتهم مابيها واحد خير
يشوف بنتنا...

يبوي ألناس أذا ساكتين عن عملتك
وأنت طلكت بتهم بلا چبیر....ولا أهل

فذول ناس طيبين
ومابيهم باطله واهل اصل

وهسه أذا كاومونه لأن طلكت بنتهم فحقهم
لأن حتى ألمراه أذا مسويه شي موزين..
لازم ألكل يحجي ويفهم ألصار وتنحط النقاط عل حروف يله تطلك

وانت طلكت بلايه ماتوضح معقوله ابوها سكت،
عمامها سكتو
يابويه أشلون ناس خيرين وصاحبين حق ماتجازيهم على سكوتهم ابد

جاوبته
-الموضوع منتهي

-شنهي منتهي عيب
وانت اكيد تعرف العيب
دزيت على جبيرنه واتصل ويه شيخ عشيرتنه
كالي ليش محجى هو مطلك ليش ماكلت بلكت نصلح

وكفت متعصب الشغله طلعت من ايدي بعد وصرت مثل البالع الموس لا اكدر اسولف البيه ولا اكدر اسكت
شأكول مرتي صارحها زميلها يحبها وصدته فترة وحضرته بعدين رجعت تحجي ويا عادي كأن شئ لم يكن واستغفلتني حته خبر ما انطتني ولا بلغتني بسوالفه
راح اضطر احجي شي غير الحقيقه حته ما يلوحها شي ويأذيها

- عمي خليتك تحجي على راحتك بس أنت أحكم وشوف اذا تنحل حلها ابوها اجه واخذها من بيتي جرها جر من شعرها 

تعده عليه
وكتله مشكله نحلها ابيناتنه
وحته بنته مارضت تروح كالتله تصالحنه
هو جن جنونه
يكللهه زعطوط عندج اني
يشك بيج
ويسبج
وتبقين يمه وجرها وطلعها
شمر ابني عليه ....
يريد يكسرني بيهه

وكف ابو تيسر وهو ضايج من الي صار

-انت صدك دا تحجي ألعوائل والناس
تصير ببيوتهم كوم مشاكل...
وتوصل للدم، والشتم، بس هم ماتوصل للطلاك
وأنتم على شي تافه
وصلتوها للطلاك