جنون الصبا

الجزء التاسع عشر

السلام عليكم
نازك الحمراني
جنون الصبا

اندك باب بيتنا
-جنه البااااب

كمت ادك على رجليه من الخوف
يسويها الحظ ويجي بابا هسه
حيدر يمي كاعد

جنة واكفه کبالي گلبي لحظه ويوكف من الخوف
همست بصوت ناصي

-حيدر كوم حباب ساعدني روح هناك لك خاف بابا

مايحس ومايدري بنفسه
أو يدري و ما يريد يحچي ويايه جاي أكوم جر أيدي وكعت يمه ويحجي بلسان ثكيل

-ابوية انتي، يولووو أكعدي يمي اخذي اخذي هاچ كتليني دا أكلچ گتلیني

_گوووم

جریت آلمسدس‌ منه شمرته بلحدیقه آندك  ألباب مره ثالثه كمت بسرعه ورجل طك برجل

-منو

بصوت ناصي جاوبني

-على كيفج خويه ااااني اني محمد فتحي الباب

ركضت فتحت الباب لمحمد وهنا شفت بمحمد موقف قهرني لان بقى واكف وبعيونه ألف حسره
وحتى دمعة عيونه واكفه وهو يشوف اخو حيدر علي اشلون متربع ويتلفت مثل شخص ممركز وكعدته تكسر ألخاطر
ويدردم حجي ممركز بيه
ركض عليه يحاجيه

-ابوي ليش كوم يااااا يابه شمسوي بروحك متكلي
ليش هيچ گووم خويه

_مووووتوني يول محد بيكم يحس بيه دكلكم مووتوني

دنج محمد حصنه حتى يكومه من الكاع وهو يحاجي بتعب

- اصحه أبويه أصحى اني محمد اخوك

نهاريت واني أباوعلهم وأبچي حيدر بعيونه وبأيده يتلمس أخو محمد أبتعد خطوه منه يريد يشوفه عدل و رجع حضنه حيل بقهر ميت

-محمد تعبتتتتتتتتتتتتتت وين اروح لك ضاكت الدنيا بعيني
أني تعبان اخوووك تعب ابويه انته

تقربت منهم لأن كلشي يقهر بهالحظه
مديت ايدي وسندت حيدر من اليمين ومحمد من اليسار
باوعلي حيدر نظره مفسرتها
دار وجهه عني اتجاه اخوه

طلعنا بره للشارع
السياره كلش قريبه على بابنا
وكفت بلباب واشوف محمد شون فتح باب السياره وكعده بالصدر سد الباب ارتجى حيدر على ألجام يباوعلي مقهور كلش مني
اندار محمد وهو يسد باب السياره قبل لايدخل كلي

-طبي جوة خيتي لا أحد يطلع

أجى يصعد بسيارته

-محمد الله يخليك دير بالك عليه

- والله ياخويه  وياه وياه بس شسوي كالي ساعه بس
اروح يم صاحبي
كتله لا تطلع وانت هيج ما فاد أصر يروح عفته وحده يغير جو شلون هيج صار مادري
بعدين بس أريد أعرف
شبي حيدر يايابه
شيريدون اهلج الولد راح يموت
يحبج
و يريدج
ونذل
ونقهر
وتمرض شيريدون اكثر من هيج
فعلآ ترة من اكول راح يموت مو شقى
ضغطه مدايستقر وهاي شوفة عينج حته كبده من الشرب راح يتعب ويتلف