جنون الصبا

الجزء العاشر

السلام عليكم
نازك الحمراني

كطع افكاري صوت ضرب حذاء وهو يقترب مني التفتت بخوف هو دايصعد ألدرج
المكان هادئ لان ضهر تقريبا ساعه 12 ونص وشته بارده ثلج
مدنك راسه ويباوع بخزرة
نظراته غضب وحب بنفس ألوقت

راح كعد على ميز يم الشباك ....
كلشي يرجف بجسمي برد....
الموقف البيه ما ينحجي.
كل الاعرفه فرحانه بيه وخايفه بنفس اللحظة
شكله مو طبيعي عصبي و فاير
شلون راح اتفاهم ويا
اريد اختصر عتابه واسمع اخبارة
أريد اساله شلونك ويحجيلي الحقيقه شلونه
وشجان يسوي
وشلون عاش
اريد عيوني تنملي بشوفته
اريد اباوعله لحدما اشبع كلبي واداوي سنوات من الفراق
احساسي بهاي الساعه...
شلون الواحد الي طابه خشبه بايده..
ودايطلعولهيا...
شلون شي ياذي بس مريح بنفس الوقت..
اني الخشبه والمها...
طابه بكلبي..
وقربه وصوته وكلامه..
مثل الي داينتزعهه من اعماقي...
سكوته وانفاسه ونظراته توجع بس مرتاحه عليهن
اريده يحجي حتى يخلصني من الي أني بيه...
لأن تعبت....
خمس دقايق هو ساكت
كأنه كاعد يحسم امر بدماغه
هو مخبوص واني مخبوصه
محد يدري شكو بكلب الثاني
عيونه للشباك يدخن ويجر نفسه بحركه
ختم الصمت
وهو يطفي الجكاره بنفاضه بعدما خلصها وخلاص يظهر انه قرر شنو يريد
وكف أندار عليه وايده ورا ظهره
حجى مثل ألي يحاسبني
حجى برود وتكبر
وعيونه تحجي أشتياق واهتمام
....فاضحته نظراته اليه.......

-تفضلي ست جمانه

وكفت وتعديت الميز الأول والثاني اجيت كعدت مقابيله رافعه راسي اله عكسه تماما احجي بلهفة و حرارة وكلامي وعيوني ماضامه بيهن شي..
بالعكس الاشتياق ظهرته وخليته واضح عليه...

-شلونك حيدر

-يول ليش هيج رحتي

-ضرفي صار هيج والله ما جان بيدي اسوي شي وماسويته تلث سنوات تعبت بيهن بفراكك

كل جسمه أنتفض من حجايتي و بدت اعصابه تطفر وصوته يعلى ويحجي باسلوب كلش عصبي....
صاح

-يوووووووول خمس سنوات ونص أذا مو ست سنوات أمفاركچ تعرفین شنو ست سنوات‌ واحد بلا روح
بلا هدف..
بلا شعور...
یعني أنسان ميت.....
ست سنوات ميت
أباع للوجوه التضحك أكول أكو بلدنيا شي يضحك
ست سنوات
تستخفين بيهن دكولين تلاثه...أو أربعه
أبويه أنتي كوليلي شنو طلابتچ ویاي ليش هلكد قسيتي ولاتزالين تمردين بگلبي ووولچ شني ذنبي وياج وهيج تسوين بيه

-والله موبيدي

كام وهو يدفع الكرسي برجله

-يول شنوو مابيدج لچ انت رحتي وعفتيني
لچ ماخليت شي ماسويته حتی آلکاچ ماكو فص ملح وذاب لچ حياتي كلبتيها گلاب وجايه تكولين مابيدي شي.

وکفت من علو صوته

- الله يخليك نصي صوتك اهداء شبيك دا تصيح ماكدر اتفاهم وياك هيج