جنون الصبا

الجزء الثاني والثلاثون

السلام عليكم
نازك الحمراني

حيدر....
جدلت من حنانك حبائل
لأغزل منها وشاحآ حين أبرد
وشاح
هو سكن
هو حنان
فيا سيدتي أنا الأن بلا سكن
هل سأبقى بلا مؤى..
أم أنتظر قلبكِ الذي أهوى

دخلت للحمام واشوف ملابسها معلكه
وقراصتها

دمرتني
صار كم مرة تضربني هيج ضربه
ضربت كلبي حيل ماريده يدك بعد  ولا ينبض
انعل ابو كلبي الي حبج وذلني بيج
انعل أبو روحي الي هامت بيج
أنعل أبو رسول الي خلاني أشوفچ
انعل أبو الطائفيه الي جابتج اليه

ألبيت صار صنطه بس صوت بچي نبيل
كلشي ساکن مثل قبر ....
و كأن البیت یعاقبني لأن ضربتها....

شنو الي صار سوء تصرف لو كلشي أنبنى على باطل يبقى باطل‌ والي هو الرهان

بعدها نار دايحرك بيه أريد أراجع نفسي وين البدايه والسبب بفراقنا وليش اجت النهايه بهيج وجع

خلاص لازم أحافظ على كبريائي مااتمسك بيها اكثر ولو اعرف اطلع گلبي من ضلوعي ما اضعف واحن و ارجعها

دخت راسي يوجعني راجع توني من الدوام وتعب الدوام أخذت نبيل غيرت حفاظته نيمته يمي أريد راسي يبرد أفكاري مخربطه تمددت على الچربایه غمضت عيوني ومشتاق الوجودها يمي

ماحسيت على روحي اله موبايلي يدك من الشغل شلته مثل الفاقد ذاكره فركت وجهي بايدي

أبو لؤي يتصل
-وينك أبو وطن شنو موقفك ألساعه بتسعه
وانت ماكو
ألشباب منتظريك
أنطلع أمني غيرك

-أي طلعو أعتبروني مجاز صارتلي شغله وماكدرت اداوم وحتى ماكدرت اخابر

شمرت الموبايل بحركه كوه كمت مختل كلشي بيه تمنيت الي صار حلم كابوس مزعج والكا حبيبتي بالبيت

ثكل راسي تعب نومة الظهر لليل كله بجسمي
دخلت للحمام وكفت جوه الدوش شمرت القميص الفانيله نزعتها بقيت بلنطلون فتحت الدوش المي يجري بي دفو افرك بوجهي غسلته حيل مراية الحمام طويله وكفت كبالها
اول مرة بحياتي اصفن على المرايه تقربت منها كلش

اباوع لعيوني وكلبي يحجي اشكال
شدا أسوي
شلون فاركت ابنها
هسه هي تبجي عليه
لو ساكته
تذكرني...
لو بسب عصبيتي ماتريدني بعد.

نزلت دموعي
واني اباوع لروحي
شفت شلون ببطئ تحول بياض عيني الى حمار تجمعت دموعي ونزلت وحدهه  بدون ما ارمش

أني ألي الكل تشوفني قوي
وشايل مسؤليه أخواني وكرايبي
وشايل مسؤلية تلث ابيوت
وشايل مسؤلية أربعين ضابط امني

هيج تنزل دموعي عليها
لا مو أني الابچي على مره...
ولا ...
لا هي مو اي مره هاي حبيبتي و عشقي يعني الاجلها موبس دموعي تنزل....حتى روحي