جنون الصبا

الجزء الثالث عشر

السلام عليكم

.نازك الحمراني

-شنوو؟؟
نزلت دموعي اريد اهداء نفسي ادموعي تنزل ولساني يحجي

- ماكو شي ماما ماكدر احجي

- احجي دا اكولج اني مو ابوج وتقشمريني

أعيوني الها واصرارها تعرف وجع بنتها الچبیره استسلمت للامر الواقع محتاجه احجي البيه لاحد واخلص محتاجه آطلع الغصه الي بلعومي سولفتلها كلشي
سولفتلها بدموع ختمتها بعبره محبوسه

-كل الحزن والكأبه والمرض قبل لأن أحبه
وكل الفرح والسعاده الي عشته البارحه لان احبة وهسه الي بيه من تعب همات لأن احبه

وجها وهي تسمع من صدمه لصدمه

-أشوكت كبرتي اشوكت عشكتي منيلچ هل جرائه تتريكون سوى يوميه و تطبون وتطلعون سوى كدام العالم بعذر مشروع الخط
وكدام الله شنو عذرج المشروع هم خط وج مخفتي الله مخفتي ابوج يشوفج اشكد صلفه

-ممسویه شي ماما....والله

-الله يهلك ماما الي معرفت تربيج خاب ضني بيچ هواي هاي تربيتي ألچ وج تستغفلينه كل احنا

کم مره أکولچ الرياجيل ماألهم أمان
لچ الرجال والزمن غدارين
لچ طاح حظج على هل دكه شكلتي الروحج لچ حتخلیني علج بحلك نبيل
لو درى، وعرف

انوب متزوج الافندي يعني من عاشر المستحيلات حلمممم سامعه بيوم حلم صار واقع
عشم ابليس بالجنه

-ما

قبل لا أكمل حجي مااحس اله ضربتني راشدي

-حرامات بيج التعب...
هاي عود انت العاقله
واني الواثقه من عقلج و اخلاقج
واراهن عليج متنزلين نفسچ
ولا تغلطين...
هيج يطلع منج جمانه ....
هاي نصايحنه
هاي الثقه الزايده المنطيتها الج

-مامه والله مامسويه شي غلط...
كل الي سويته احسه عادي
مو شي غلط...
ماشفت غلط انو يوصلني للكليه
ويرجعني للبيت
ومو غلط نحجي بالتليفون
مادام كلشي بحدود الادب
لا هو يتجاوز حدوده ولا اني

- عوفج من مقاييسج الفاشله ولي على أساسها قيمتي نفسج شفتي هسه شصار بيج شنو حالج

هو هذا الغلط هاي الورطه الانت بيها لو متصرفتي بطيش مجان تورطتي وورطتي الولد وياچ....

-ماما

-أنچبي يا ادبسز..

-ماما والله مو ادبسز بعدين هو مايقبل ماعرف شلون اوصللج الفكرة هو طبيعته حيل متحكم بغيرة متسلط وشخصيته قويه هو يفرض روحه هو خلاني أتعلق بي بوهم حبه موبكيفي والله

-وانت شنوو ماعندج شخصية مكدرتي تضبطين نقسج

-ماما اني مو ماعندي شخصيه....
بس اني احبه ماكدر .......
انتي ماما وحبيبتي
ساعديني ماما رح اموت
شسوي شسسسوي