جنون الصبا

ألجزء الثاني والعشرون

السلام عليكم
نازك الحمراني

Flash Back
*************
حيدر.. توضيت ناوي اروح الموسى بن جعفر ركنت السياره الكراج فارغ
الدموع تجمعت بعيني
احس روحي انمردت مرد
من صيحت وتجاوزت عليها وضربتها على وجهها
وهي سكتت ماردت ولا تعصبت عليه
تندمت كلش احس الضربه بگلبي قبل وجهها
احس ضربت گلبي وروحي
بس هي اااااخ منها داست بالكلام هواي
جرحتني هوووواي
دخلت ألحضره أبو جوادين
أبجي بحركه على نفسي الي هنتها هواي
وأذيتها هواي
أني استحق الي يصير بيه
أستحق كل هذا العذاب
ادري أشرب ومارح تقبل أدخل مرقدك
ورح ابقى مذنب باب حضرتك
لأن اشرب
حلمي بأمي أشاره ارجع النفسي و اترك الشرب

بس والله
ردتها من الله وماصارت

عيوني للمرقد ماادخل جسمي يمنعني لأن أني مذنب...

عيوني  للقبتين ألذهبيات.. اذكر امي من جانت تجي اتزور واكلها يمه ليش تجين هنا والدي مايجي

تكلي يمه أبوك يروح الابو حنيفه وانا اجي هنا للكاظم عليه السلام ينطيني مرادي

بقيت صافن عل ألحمام فوكهن يطير
تمنيت روحي حمامه مايضايقني شي
ولا التزم بشي

شدخلني بهل حب الي دمرني
وخلاني انسى نفسي..
وانسى تربية أمي الله يرحمها
وهي تكلي

-روح الأبو الجوادين من تضيك بيك الدنيا

واني چنت آروح اشرب وانسى نفسي
من اختنك دمجت كفيت بنطلوني جريت فرشة طويله كمت أكنس بلحضره أبچي نفسي
يارب مازاني ولا فاسد
مماكل فلوس حرام
ولا ظالم بشر
ردتها مريتي وحلالي

فات رجال عجوز منتجي على عكازه ويصيح

- أنت ألمظلوم وأبني مظلوم
وتعرف كل يوم اجيك بواهس مظلوم
ماادخل أبو طلبه أله تحقق طلبتي
هم أربع ويلاد عندي ردتهم ذخر ألعمري
واحد أخذته الكاع
واحد اخذته الحرب
واحد اخذته العصابات مني وراح يضيع من ايدي مولاي
والله مولاي يجوز مليت مني
وهل ماالكى حل ألأبني  أجي  اكنس حضرتك مثل خادم
عسى سيده يجازي خادمه وينطي مرادة

صوته يكسر الخاطر أدني عليه بلا مايسألني أخذ الفرشه من ايدي وبدا يكنس وأدموعه تنزل مااكدر يكمل كنس أيده وجسمه بيهن رعاش

خدوده ألي وجع ألسنين وتجاعيد القهر حافرات عل عظم مو بس على الجلد كعد باب الحضره واني ادنيت عليه

-كول حجي أمر خدمه يجوز أساعدك

باوع بخنكه
-لا يبوي أريدها من أبو طلبه

-يعمي احنا كلنا نتجه نتوسل ألله وبيهم ومثل مااهل البيت اسباب الله يخلي انسان الانسان سبب

-شو لابس اسود بأسود وجهك أملح خافنك من ذولاك

-ههههه والله ياعمي شكلك رايح منك
صار بيها أملح ليكول انتم العراقيين شكران واني الوحيد الاملح بهالبلد