جنون الصبا

الجزء السابع والثلاثون

السلام عليكم

حيدر

رکنت سیارتي نزلت أشرت الرحمن ياخذ الشباب دنكت على جام ألسياره...
واشوف نبيل مستند بأيده على الستيرن
دكيت على الجام
خفت لا بي شي

خصوص بأخر مواقفه من بدا يعزمني بنفسه
لو يجي ألبيتنا
حسيته صدك أبو زوجتي
رجعت باطراف اصابعي دكيت الجام

رفع راسه من الستيرن نزل ألجام شكله مرهق

-خيرك عمي شو هنا طابك

باوعلي ومحجى شي
عرفت بيه شي
مهما يكون لازم أشوفه شنو بيه
لأن مو مال أرجع للبيت وتركه

قفلت سيارتي اخذت سلاحي ونزعت السترة الواقيه ذبيتها بالسيارة
رجعت ركبت بالصدر يم نبيل ومنتظره يحجي

-كول أبو الشباب نبقى هنا
أنروح الكوفي لو بيتنا تحجي
بس ماأخليك وحدك

بعده مرتجي علستيرن
-ما اعرف شحجي لأن الي صار نيه حسنه
وهاي مرتين أسوي شي زين أوكع بيه
ههههه يمكن اذا احجيلك راح تكول مرتي بت ابوها ههههههاااي

ركزت بي
- شجاب جمانه بالوسط عمي

باوعلي ضحك وضحكه ماوصلت العينه مجرد حلكه ابتسم

-ههههه تدري داتكبر بعيني وهسه أمنت تحبها حب قوي حب زوج ألزوجته
مو حب مراهقه ومدارس مثل ماشفتك گبل...

لاتخاف الموضع ميخص جمانه...
بس دا أكلك كبرنا وربانه ابويه على شي
وهو لازم نساعد الشخص المحتاج مساعده...
مهما تكون الاسباب والمسميات والوضع

يعني أني قبل ليش نخطفت لان ساعدت مريه شفتها بلكاع والمفروض أني بمنطقه ارهاب ما أنزل بس نزلت من سيارتي وعلى أثرها نخطفت

-أي أعرف......سولفتلي جمانه.....وهسه شنو الجد بلموضوع

- الموضوع أكو ناس سكنو جدد يمنا
بعد مااتهجرو بيت جارنا أبنهم بعثي...من سنين
فا سكنو بيه ناس
عندهم أبنيه جيرانه شابه ما متزوجه.....
وكلما يرحون أهلها الصبح للدوامات
تدخل صاحبها للبيت
إمها وابوها دوامات وخوانها الكبار طلاب
أستغفر الله من ذنبها

بس اكثر من مرة دخلته للولد للبيت
وأبوها خوش أنسان ملتزم حسب ماانشوفه
وأمها خوش وحده
لأن ناس فقره كلهم

فابيوم من الايام صادف طلعت من دوامي
نزلت مجاز
اول مانزلت من السياره
اجه هذا الولد صديقها
وكفت أراقبهم....دك الباب
فتحته هي البنيه ودخلته للبيت
وسدو الباب ......

أنقهرت على أهلها....ورا دقايق تقريبا
بعدني ممغير ملابسي.......
طلعت أجيب شيشة عسل جبتها وياي مناك

طلعت واشوف الامريكان بلمنطقه
سوو تفتيش مداهمه
يدورون على ناس بجيش****
وجانو يداهمون بيت بيت
وصلو ألبيتنه
طلعت الهم هويتي ... والباج
فا ما طبو ألبيتنه راحو....
جاي ادخل شفتهم...متوجهين على بيت هذي البنيه