جنون الصبا

الجزء التاسع

السلام عليكم
نازك الحمراني
جنون الصبا

قلبي صغيرٌ وطيب
أصغرُ من أي سماء ٍعابرةٍ..
لذا حين تمطرُ ،الغيمه
يبتلُ العالمُ بمعزوفه قديمةٍ..

جمانه

ركضت واني خايفه سرمد اول مره يسويها وهيج يجراء اعرف عثرت او لوماهو يسندني چان وكعت بس هو ادنی علیه بجرأة مبالغ بيها

دخلت المطبخ كعدت يم ماما احاول أبين طبيعيه

-تعالي جمانه سوي زلاطه

-أي خاله صار

ناوشتني التخته والسچين وبالي ضايجه من حركت سرمد واحس روحي خنت حيدر لأن لزمني شخص غريب

منو الغريب أبن خالي لو حيدر؟؟؟

اي اعرف أبنفسي ابالغ بس هو حيدر اقرب شخص واكثرهم صلة بگلبي وروحي
ماما أجت يمي وتباوعلي بسؤال
- بيج أشو لونچ مخطوف

-هيج شويه دايخه من الطريق

-أذا مخلصتها سهر طبعآ تدوخين بالطريق

-لا لا ماکوشي
وين حمودي خلأشوفه خاف جوعان

-ههههه دتحسسيني أنتي امه

-اي ماما هذا أبني ميدو

-راح تبورین من وراه ههههههه

- يم منو ينام....ومنو يغيرله ومنو يوكله ،منو يناغي كولي حتى من يسخن يمي

-أي والله صحيح

اجى سرمد يغسل وجه بلمغسله الي باب المطبخ خلص وكف بالباب باوعتله ألمي ينكط من شعره يحاجي ماما وعيونه اليه ينشف وجه بخاولي..

- شلونج عمة اخبارج

- هلا بيك حبيبي تعال تعال
اروح فدوة لهالطول الحلو

دخل للمطبخ كعد بصف امي وعينه عليه

كمت ابسرعه و طلعت منهم ضاج من حركتي بس هذا الصح
يومين على هل موقف واحنا بيت خالي ابو سرمد مشفته من يوم الي وكعت بين ايده..
مجرد يروح للشغل اسوي روحي بلغرفه يم بابا
من يطلع من البيت اني اطلع وحتى لو التقينا مجرد سلام

مشتاقه الحيدر الحزن مسيطر عليه تمامآ مدا اكدر اتعايش ولا اختلط مثل قبل بأريحيه

ثالث يوم صاحتلي خالتي رحت للطرمه لكيتها تكبس طرشي كاعده هي وماما....

-بلي خاله...صحتيلي

-حبيبتي جمانه أشو ضايجه معاجبتج القريه
شو من چنتي تجين...
تكضيها لعب أنتي وسرمد...والبنات شنو تغير

-لا خاله ماكو شي مجرد صداع

-زين تعالي حبيبتي سوي ويانا علما يجي سرمد يشويلنا ألسمچ.....

-صار خاله

اخذت السچین كعدت بلكاع
-جمانه

-بلي ماما