جنون الصبا

الجزء الواحد والثلاثون

السلام عليكم
نازك الحمراني انستاal_homrna

_منو يجي

_يعني كل زملائي وصديقاتي همات وانت على ذوقي وذوقك نشتري

- تدللين حبيبي
نطلع ونجهز التريدي

- اكولك انت وعدتني اذا صارت مشكله جديدة
نتدخل موو ؟؟

-خلااااااااااص مجرد نبهي بس لا تحجين هواي وياه خل اشوف اخر دلالي وياج وصبري

طفرت عليه شبكتني تضحك
طلعت من البيت صعدت السياره مريت على بيت اهلي دخلت صعدت الغرفتي بدخولي ماطلعت ولا صوت اريد اعرف نفسي اني غلطان بسكوتي عن تصرفاتها مكاعد اعرف روحي اني وين اشعر اني تايه بنقطه ما معروف موقعها
تمددت على ألچربایه...

وصلت النتیجه أني الحب عماني من حبيتها منتبهت على لبسها ردتها بكل صوره تصير اليه
ومن صارت اليه...
أريد أغيرها بسرعه

يعني أني هم غلط مو بس هيه أستغفرت ربي وكمت فتحت كنتوري طلعت أوراق ألكاع لازم ابيعها انجهز عرس مهند نزلت الدرج مهند صاح

-ها جاي ختيلان ياب تعال يردوك

-منو يريدني...

-عمي أبو تيسير‌ دخلت للصاله واشوفه كاعد
مرتجي على العوچیه

-السلام عليكم.....شلونك عمي

نصيت بست ايده جر ايده مني و هو يكلي

-هلا بوليدي مرتاح بزواجك

ابتسمت واتذكرت الايام الي چنت اتعارك بيها ويا واعانده حته يروح ويايه يخطبلي

-الحمد الله‌ زين

- ايييه خلصت منك ومن عشكك الحمد الله هسه شبعت منها موو

- هههههه لا والله عمي ماينشبع منها

- خوش معناهه تحبها صدك مو هوس لو رغبه

- ههههه والله يا عمي بعدك معتبرني
مراهق ادري بنضرتك تجاهي

- يا بويه وتبقى ذاك المراهق بنظري لو تصير 100 سنه عمرك واحفادك بطولك

كعدت يمه مشتاق أله باوعتلة بنضرة استغراب

- شعجب عمي اليوم مشرفنا

باوعلي ورجع دنك على عكازه ويتلمس يدتها وهو يريد يحجي الي بباله ..

-والله ياأبني رايدك بشغله والناس تعشمت بيه لأن يعرفون أنت تعزني وماترد طلب

ابتسمت على توترة و خففت عليه
-تفضل عمي انشاء الله اذا اكدر تعرف مافد يوم رديتك

رخيت ايدي من كلمه فد يوم وسجى الي طلكتها وهو مقابل ايده على فخذي ضربه مرتين ضربت مواسات مثل عرف بيمن أفكر رجع ايده للعوچیه