جنون الصبا

الجزء الثالث والثلاثون

السلام عليكم
نازك الحمراني

جمانه...

وبحبك قد بنيت قصرآ
وبنيت داخله عشقآ....
ولكن تلاشى...
كأني لم أحسن البناء
وكأني  بنيته في الهواء..

بهالحظه دخل سرمد
نزع الشماغ باوعلي مقهور مني
باوس ماما وحظنها

-شلونچ عمة شخبارج حبيبتي

- هلا بيك عمه حبيبي
انت شلونك ويا العرس
منشنش سرمد

ضربت مامه على كتفه تضحك

- الحمد الله عمه الحمد الله

وهو منصي باس بيبي وسلم عليها
وكف بعيد عني وهو منصي
-شلونچ جمانه

حسيته كلش مقهور مني مو بس اني حتى خالتي وماما وبيبي شافوه شلون يسلم من ورى خشمه جاوبته

-أنت شلونك سرمد و بالخير زواجك

مخلاني أكمل طلع بسرعه وخالتي تبرر اله...

-رايح اليوم اهل زوجته عازميهم

كعدنا نسولف واني بالي مو يمهن وافكر برساله حيدر ليش هيج كاتبلي
معقوله هو نفسه الأحبه ههه كمت اشك
بنت خالي عدها طفل بكد نبيل بجى وتذكرت نبيل ياربي مشتاقتله بجيت متناسيه أني مو بيت أهلي كمشت ايد ماما

-ماما نبيل يبجي والله
خابري جنه لخاطري عفيه

طلعت فونها وهي تتصل على جنه
واحس كاعده على نار الى أن جاوبتها

-ماما جنه نبيل شلونه

جريت الموبايل من ماما

-عفيه جنه أوليدي شلونه حبابه لا چذبين كولي الله عليج حسيت بي شي

بحسره جاوبت

-جمانه مابي شي والله أنتي بيبي ماما كلساع تخابرون والله أشوفج بي
بطن عيني
لچ وتالي تبقين تاكلين بروحج  وهذا هنا يلوب

-جنه هو باعني وباعني برخيص لاتجيبين طاري حتى رساله بعد أسبوعين ونص دزها بس  يهدد بيها شترديني ابقى وياه

هو اول سوء فهم بينا...
نزع قناع الحب وظهر على حقيقته‌ چذاب ميحبني

- ياااا لج يا مايحبچ دايمووووووت
لا ياكل ولاينام ولايسوي شي غير الجكاير و الصلاة

تعبنا نريده ياكل وياخذ علاجه ماكو
انت بصفحه و هو بصفحه دمرتو روحكم على شغله ماتسوى

- تسوى جنه
يشك بيه لان ضحكت بصوت عالي
ويشك بيه لان احجي ويا البشر بأدب
يعاملني كأني ماعرف شي وكل تربيتي برأيه لازم تنعاد
شكو تزوجني اذا هيج اني بنضرة

- جمااانه يااا جماااانه تصيرررررررررررر
وهسه انتو واحد لقن الثاني درس
الله يسهل اموركم وترجعون يارب

- ما أضن بينا رجعه بعد
ما اضن نرجع

غلقته لان جنه تريد تدافع اله مااريد أسمع حجيها خلاص