جنون الصبا

الجزء الخامس

السلام عليكم
نازك الحمراني
...جنون الصبا.....

فتح الچكمچة وطلع مسدسه سحب ألزناد
يشوف بيه طلق
سد الچكمچة
خلاه جوه سترته بالكراب الخاص بالسلاح
ردت اگوله بابه اترك الموضوع عسى ما اكول على روحي دا اكذب
منطانی مجال اباوع علی بابا عصب براسه يم عيونه اشوفه تضخم وكام ينبض ويصك باسنانه بطريقه عبالك دايسحق شي بحلكه
ضل يفرني بالمنطقه ويريدني اتعرف ع هذا الولد الي تحارش بيه يريد يعرفه منو
من وصلت شفت حیدر دايمشي على الشارع
ويا ولد ثنين

-هذا بابا الاملح الاسمر
أشرت البابا بأيدي حيدر دايمشي على الشارع
ويا ولد ثنين مااعرف ليش ركزت على لبسه كله قاتم لابس قميص نيلي مخطط بأحمر قاتم وبنطرون نيلي أنقهرت بداخلي عليه

من وصلنا اني وبابا يمه طبك السيارة كبالهم بطريقه مرعبه و مفزعه قاطع الطريق عليهم حتى أني انرج جسمي جماعته واحد يأشر للثاني وكفو و وكفت ضحكتهم وعيونهم مفتوحه مثل الي زركت وجوهم نزل بابا عليهم....بلا سلام أقترب من حيدر

-وين بيتكم خطفلي حيدر نظره رجع كاله

-ليش شتريد من بيتنه

-يابه خطار لوتطردون الخطار

- لا حشى عمي شلون نطردهم

-لعد امشي اصعد

-لوين قصدك البيتنا

-أي لعد وين
أباع الحيدر صام ايده ونفسه سريع وكف بمكانه ميريد يصعد أقترب بابا دك الجامه عليه رفعت عيوني له

-انزلي صعدي ورى
نزلت من السياره حيدر مقابيلي باوعتله نضره خاطفه كلمه مصدوم بلي كاعد يصير قليله بحقه

-اصعد
هو ولا كلمه صعد ساكت

ساله بابا

_منين اطلع

-عمي اعبر هذا الشارع و اول شارع على اليمين
الي بيه مكتبه

اباع على ركبته من ورى شامه زغيره وي سماره شعره أسود فاحم عرض كتفه مبين واضح ألقميص ضاب على زنده اباوع بابا يغلي وهو ساكت وصلنا للفرع

-هنا عمي الباب الاسود
نزل حيدر ودخل للبيت بسرعه بابا نزل وراه وصاح بعصبيه

-انزلي
طب بابا واني طبيت وراه ألبيت هدوء الكرانيت بلطرمه يلمع حيدر لسى ينزع حذائه
من وصلنا لبس شحاطه راح من باب المطبخ
اشوي وفتح باب الاستقبال

- تفضل عمي .....
دخل بابا ودخلت وراه حشرت نفسي بخوف يم بابا من شكل غزال محنط بزاويه الغرفه شكله مرعب واني اباع اريد اتخلص من التوتر
دخل ولد جبير مبين اكبر من حيدر

-ألسلام عليكم

بابا وكف
-عليكم السلام بلا ما نكعد انت شصير منه هل عار