جنون الصبا

الجزء الثالث والعشرون

السلام عليكم
نازك الحمراني

‏غريب أن أبقى محتفظة بنفس الحب بنفس تلك النظرة إلى شخص ما طوال ستة سنين!
أن يمضي الزمن وتمر السنوات وتتبدل!المشاهد وتبقى صورته كما هيَ وحبه لايتبدل.!

بقيت افكر شنو ألي صار ليش هسه ضجت من خطوبتي رجعت أتصل على حيدر مرة فصله ومره مجاوب ضجت من هل تصرف هاي أول يوم بلخطوبه وهيچ طول ساعه أكثر معرفت شريد بهل لحظه اي احبه موت وعاندت حتى أصير له بس ليش هيج هسه متندمه من سمعت نقاشاته ويه زوجته

ورى ألساعه رجع أتصل عليه واني مقهوره وافكر بهل ساعه شسوة وي سجى وشلون تصالحو لان مامعقوله يبقى بلا ما يصلح الموقف وياها انزعجت وحسيت بالغيرة اكثر
كوه فتحت ألخط

- هلاو

- ليش ولج ماتردين صار ساعه ادك عليج

- رديت هسه مو مشكله
وين چنت قبل ما اخابرك

- جنت بالحمام

-حيييل هسه يالله سبحت عبالي اول ماترجع من الحفله تسبح

- لااااااا توني سبحت

- اهااا يعني سبحت هسه

-اي

أجوبته مختصره تنرفزت أكثر حجيت بتعب
- حيدر روح بي باي شهل وضع متعب

- جمانه شنو متعب لتصيرين هيج شنو هالسوالف التعبانه تعالي لتروحين حبيبي أبويه أنتي

-خلاص بي باي

سديت الخط ماأنتضرت جوابه خليت الفون بالكاع وسويته صامت
ضجت حيل ليش ميكلي شنو صار
أكيد هسه راضها وتصالحو واني محترك گلبي
اوووف شورطت نفسي
ماكدر اتحمل هيج اني

ليش قبلت بيه وهو مزوج
ماأريد أصدم نفسي اكثر
يعني أني شمتوقعه مثلا
شي طبيعي يم زوجته
حتى لو مو زواج كامل

اليوم مخطوبين
طول يله رد....
باچر شلون

رجعت تمددت من تعب الخطبه
لفيت راسي ونمت والقهر والندم مالي قلبي

اعترف من يتعلق الموضوع بحيدر
اكون اكبر اختلافيه ومزاجيه وانانيه
ومتملكه وعاشقه حد الجنون

الصبح تقريبا كعدت بالسته
شلت الفون من ألكاع فتحته
لكيت بي كومه رسائل
ومكالمات بلعشرين مكالمه........
عزااا لعد منایم

الموبایل بأيدي...
اكيد هسه معصب خل أنزل اسويلي كهوه خليته على كومدي

رأسن أجت رساله عرفت منه فتحته كاتب

- حبيبي ليش هيج ترى منايم بس ساعه كلت هسه تتصل...

أتمنى أتخلص من عنادي أنقهرت عليه عيوني للكيبورد شكتب أله...

ماإجى بالي بس كلمة....

-كاعد أنت

خليت علميز جاي أطلع دك عليه ولازم أحضر نفسي للقلق صوت ألعصبي المتنرفز التعبان