جنون الصبا

الجزء السابع والعشرون

السلام عليكم
نازك الحمراني
جنون الصبا

تعال نتوب من اثم الغياب
بلحظة عِناقٍ حانية
تعال نرتبُ ابجدية الحبِّ من جديد
كي احبّك للمرة الاولی
اتذوّق اول شهد الحبِّ معك
اتوبُ عنك في المرة الاولی
واعود كي احبّك في المرة ثانية

.........
بعدتني جمانه وهي تنطيني موبايلي

-زوجتك.......حيدر

فتحته والكى اربع اتصالات ورساله

"أبو وطن ألصبح تعال للمطار لان رح أرجع للعراق "

اتصلت عليها

- هاا شلونج أم وطن ان شاء الله باجر توصلون

-أي أنتظرك أنت مو عندك(باج تخويل) تكدر بهل باج تدخل للمطار

-تمام بوسيلي وطن

فرحتي چبیره رح أشوف ابني نسيت جمانة يمي باوعتلها شفتها ضايجه ماحجت شي رجعنا بهدوء لغرفتنا نمنا وكعدنا الصبح كالعاده تبديل و ترتيب بس جمانه مخنوكه وضايجه اخر شي حجت

-رح ترجع سجى مو...

-أي حبيبي رح أخلي ألغلايه على نار وانتي بدلي بينما أكمل ألچاي

سكتت طيف حزن بعيونها
-شبيج حبيبتي

-ماكوووووو شي بس صداااااااع يجوز

تقربت منها أبوسها..

-حبيبتي سااااعديني مااكدر أروح وانتي زعلانه بس تعرفين ألوضع
مايهون عليه اروح وانتي بهالضوجه عمري ابويه انتي
وتدرين گلبي باقي يمج سنين وهو يمج وانتي ماكو مو عاد هسه وانتي موجودة وبحضني

-ولا يهمك أعرف وضعك
بس انت تحمل ضوجتي شسوي
اغار عليك حيل
من بعدما جنت حبيبتك الوحيدة
نمت وكعدت عندك زوجه و ابن ههه
الحمد الله شنسوي

تقربت منها خليت راسها على صدري

- بس ثقي بيه واتحملي شويه
صدكيني مايبقى غيرج
بس لا تتعبيلي هالعيون وهالگلب
بعدين ترة اني اموت على الغيرة مالتج
لا تضلين هيج ترة اصير اناني وادمن على المشاعر هاي

ابتسمت و تركتني ورجعت تكمل تبديل
دخلت للمطبح خليت ألغلايه
طلعت الأجبان على الميز رجعت للغرفه بدلت

أفكر ليش قبلت بزواجي من سجى
الي هي صديقه "واخت "
ليش هل أذيه بحقها وبحقي....
أخ منك ياعمي

وفكرت الله يذكرك بلخير
واخ من مشاعري الي كلها الجمانه..
وحزني على وضع سجى...

كملت تبديل رتبت الستره
جمانه حركاتها متنرفزه
ولي من اندار عليها
تبتسملي...

أخ مني أذا أذيها بأيدي شلون أسامح نفسي
بس سجى
لازم استقبلها
واضل يمها
شلت هم
ياترى راح تتقبل غيابي جمانه اليوم لا
شلت هم روحي
اني الي راح اتقبل غيابها عني راح اكدر اطيق الساعات بلاها
شلون راح انام تعودت على حضنها و وجودهه يمي