جنون الصبا

الجزء السادس

السلام عليكم
نازك الحمراني

البعض يظن ان الحب يُقاس بكثرة ما يتلذذ به من الشهوات ، والبعض الآخر يرى انه يُقاس بباقات الزهور او بأقوال من قبيل "الى الأبد" ، لكن الحب لا يمكن ان يقاس الا بالافعال ، بل ربما يكون الحُب امراً صغيراً ؛ كأن تقشر برتقالة لشخصٍ تُحبه، فقط لأنك تعلم انهُ لا يحبُ فعل ذلك•

تراتيل:ترى حيدر عصبي تتحملين عصبيته دشوفين ترى عرب جبور مو مثل الكراده يعني هل قريه أو المكان متغلفه بعقله يعني صداقات مجاملات وي ولد ...ماعدنا

-لا تراتيل ترة اني مو مثل ما متخيلتني وماريد ادافع عن نفسي بس الايام راح تبينلكم اني شنو اني هذا طبعي مجامله بحدود وحدودي اعرفها
يكفي اني اختيار اخوج

بعدين اشلون اعوفه اول حب بحياتي اول رجل يحسسني باهميتي كا انثى حسسني انو حبه ألي مابي نقاش
داتفهميني مو ...

-جمانه لتتعمقين اكثر حيدر حساس وعصبي مو اي وحده تكدر تعيش ويا ولج اني اخاف على اخويه
داخل بكل حيله وياج
اخاف منج لا تجرحي اكثر

- اني متعوده ترة لا عبالج عايشه بهدوء وممتعامله ويا ناس اعصاب لو مامتفهمه  ابويه عصبي...وعصبي نار

-على ألي سمعته من صاح ابيتنا امبين الله يعينج راح تطلعين من مخبل تطبين يم مخبل ثاني اني ماجنت موجوده من اجه بس سجى كالت دخلت ولكيت محمد وحيدر غادين نار و متمالخين ابيناتهم وحيدر ساكت

-شسوي ذاك الموقف مادري شلون صار والله ما قصدي هيج يصير بس تضخمت الامور مدري شلون وطلعت عن السيطرة
احجيلي عنه شويه اريد اعرفه اكثر

-حيدر متعلق بأمي تعلق چبیر واني مثله

بچت ودموعها غزيرة حيل استغربت ليش هيج يبجون على امهم بهالعمق

-أي لاحظت هالشي بس على هذا بچیچ اعتقد اكو شي چبير

-بحادث توفت هي وبابا

ايدي على حلكي مصدومه
- البقاء لله حبيبتي اسفه ذكرتج بهالحدث كلش اسفه

-بابا الله يرحمه چان ملازم أول ودز علیه جدو
راده لآن مریض
جدو مزوج أثنين نسوان وحده من ألغربيه والثانيه من طويريج ألي هيه بيبيتي
فچان جدو كلش مريض وبابا جان بلواجب
من رجع البيتنا خابرونا اتوفى
أبوي اخذنا اني وامي وحيدر
محمد ومهند بقو بلبيت
بلطريق يسوق بسرعه يريد يوصل

صار تصادم على الخط السريع..
أمي حاضنتني مصار بيه شي
أبوي اضلوعه تكسرن
اني مغمى عليه مشفت شي
ويجوز لوشفت جان متت بحينها

بس حيدر تدمر دمار كام بلهفه شمر روحه على امي من حس بالحادث راح يصير حتى يحميها و الكرسي مال سايق كلش ضاغط عليه وصار الي صار بي
كايم بكل قوته يريد يحاجي ماما هو اقدامه محشورة و متأذيه المنطقه**