جنون الصبا

الجزء الخامس عشر

السلام عليكم
نازك الحمراني

لن يفهمك الا إثنان احدههم مر بحالتك
بعجزك بتيهانك
والآخر يحبك الى اخر نفس يملكه

كال جدي

_ناس خيرة جابتكم
رد بابا

-معرفتي منو الجابنه

-ما ادري ؟؟

تمشى جدو البابا حاول يساعده مكدر يكوم.....
جدو كاله

-ها بويه نبيل

بابا كوه يحجي من ضلوعه

-رحمه والله جاي أدخل ألفرع وعرضتنا سياره
ربك ستر لو بشارع عام چان متنا همزین بالفرع ومن لفت صارت ألضربه على حايط هيكل

أباوع الماما يجوز هي أقل ضرر بينا
شويه راسهه مضروب اجى جدو يمي

-شلونج جدو

كعد باس راسي

-زينة بس رجليه دتوجعني

سرمد دخل توه جاي من الحلاق مرتب نفسه لابس قاط والضوجه بوجه كعد على يم كرسيي

-شلونچ حبيبتي

شهل ألشعور ألداخلي واني لساتني معتبرته أخ وصديق أشلون أجبر نفسي عليه واتقبله‌ زوج هنا وبهالحظه أني ظالمه صدك مستبده صدك
مجرمه صدك بس مو بحق حيدر..

لا بحق سرمد ألي دخلته بهالمتاهه وما راح اكدر أطلعه أريد تهرب من نظراته اليه انداريت الجدو

-جدو أريد أروح للبيت

وكف سرمد ستند علكرسي يدفعه مقهوره عليه ويحاول يلطف الجو وياي

كالي

_جمانتي لاضوجين اصلا هل شي يخلي حبي الج يزيد أكثر وأكثر لان القدر يمنع خطوبتنا واناااا اعانده

_ها

_مثل مكتلج بس شنو الثوب هذا عريض فد مره بس احسن ساتر حبيبتي

يحاول يضحكني بس ابد مو يمه رجعنه للبيت وصلنا ولكينا ألكل منتظرنا واسمع جدو يكل ألخالتي أم سرمد

- اجلو العقد والنيشان ورا ما يطيبون زين
لأن هل دشوفون وضعهم

سرمد من راح جدو أجاني واني بغرفتي

-شونه الحلو خلى ألباب مفتوح واكف كبالي
ومنزله راسي مااريد أباوع له مجرد كتله

-ألحمد الله

-ليش مو على بعضج جمانه

-مااعرف يجوز لان ستوني مدعومه بسياره

-هههه اسف ماأقصد بس دا أحسج رجعتي مثل قبل متحبين أتقرب منج وحتى مجال متنطيني أحجي عدلت كعدتي

-قصدك أتهرب

- يمكن

-لا داتتوهم بس افضل بعد الزواج