جنون الصبا

الجزء السابع عشر

السلام عليكم
نازك الحمراني(يوزرأنستا al_homrna

‏أريد عينيكِ
عناقك
وتلك الشفتان تحديدٱ

-خطيبتك شنو

- انتي متدرين اني وياها مجرد مخطوبين ؟؟؟

-لعد وابنك الي عمره خمس سنوات

-يعني أشهر وأنتي كل ظنچ أني مزوج و مخلف

-أي الي اعرفه انت مزوج وعندك ولد

-يول خرب أهلچ اذا هذا ظنج بيه صدك باعيلي

بيومها خابرني عمي حاول يقنعني بالمناسب والافضل ولأن عمي ابو فكرت اقرب شخص الي واكثر شخص اقدرة و احبه
ومن تصير مشاكل دائما اني وياه
يشوفني بمكان ابويه لإن لازم البيت
ولد وبنات كلها تسمع كلامي وتمشي بالاكوله
و من كلي لازم تاخذ سجى
تحبك
وتحترمك
وتصونك
وتحافظ عالبيت بغيابك
تروح تجي تسافر انت مطمأن
عندك مرة حافظه غيابك
وتخاف الله بيك
وأيست الكاج
اقتنعت وكتله موافق
هاي هيه عمي
الي تشوفه
واني موافق

أنهاريت تمام من كلت موافق
بس لازم إكون كد حجايتي
مو اني الارجع بس اخرت موافقتي...
لأن جنت تعبان نفسيآ على فراكچ

خلصت سفرات و روحه و رجعه
وکتلچ بلفتره السافرت بيها تعالجت
یعني سنه كامل بين الدراسه والسفر
من صارت السنه ألثانيه تحديد الفين وخمسه
صارت احداث عطلت الخطوبه....
واضافه سجى تدرس ماجستير

-شنو الاحداث مفهمت

-الاحداث هي فكرت ابن عمي

_شبيه

_حب بنيه اهلها ناس جدد سكنو يمنا بعرب جبور
عمرها بداية العشرينات وخواتها مراهقات
هن وأمهن...سكنن بمنطقتنا

-قرايبكم؟؟

-لا لا غرب منعرف اصلهن ولا فصلهن
بس فكرت حب ألاخت الچبیره
جان فكرت يسوك ألهم يجيب ويودي
لان تغلغل بداخل عائلتهم يطلع من بیتهم يضحك
وسبحان الله سكنو بلبيت ألي چنتو مأجرينه
هم سكنو بيه ورى شهور كثيره
يله عرفت هم أجروه بعدكم

المهم بهل فتره
اجاني فكرت ضايج وهو صديقي
موبس أبن عمي چان مهموم کلي

-حيدر أريدك أتساعدني ذول ألناس الجدد
عدهم بنيه
كلت لأمي تخطبها رفضت كالتلي مانعرف اصلهم ولا فصلهم..
وذا مطرودين من منطقتهم
أشو حتى رجال ماوياهن
واني خاطبتلك بنت خالك من سنتين
وأنت چنت تتحجج بدراستك

- وانت شنو رأيك باخلاقها

-والله اخلاقهم حلوه والبنيه محجبه وملتزمه واني عاجيتني وحبيتها أبوها وأخوها أنقتلو بطائفيه فا أجوي عدنا
حبيتها و ماكدر بلياها

-لعد اتوكل اذا تحبها مازال مايعيبها شي

-اي والله ماعدها عيب بس أمي دكلي عيبها مطلقه