جنون الصبا

الجزء التاسع والعشرون

السلام عليكم
نازك الحمراني
جنون الصبا

بدت ألتقلصات تروح وتجي....
بيبي كمشت أيدي
تمشي بيه بلبيت
كلما اريد أكعد تمشيني...
ربع ساعه أختفى ألوجع...
رجعت تمددت وهي نومه من اليل نمت للصبح...

كعدت لكيت مكالمه من حيدر لم يرد عليها ورساله مكتوب بيها
"حبيبي بجنطة الأطفال زيت خروع اخذي خاشوكه
رايح بلوحده أخابرج أبويه أنتي

ماما أجت يمي...

-شون صرتي...

-دييجي الوجع ويروح ...
بس الطبيبه كالت تكملين شهرج لان ماكو توسع.....ولا تقلصات

-زين كومي جمانه خلينا أروح الطبيبتي ..

-ليش ماما ....لاتخوفيني

-مابيج شي بس انتي التاسع كله مكملته على حسابنا معليج بحساب السونار
موزين عليج وعلى الطفل..

بدلت ورحنا للطبيب اجى جدو وياي ومامه
أخذت سونار.....
الدكتوره كامت معصبه كالت الماما

-وين چنتو الطفل نبضه ضعيف ولازم تدخل عمليه فورا ودور بچر

كتبتلي

خفت ولو ما جدو و مامه سندوني چان وکعت
طلعنا العیاده طلعت آلفون خابرت حیدر

-حبیبي ألطفل نبضه ضعيف رح أدخل عمليه
.....وينك حيدر

أنكطع صوته مجرد كوه يجر نفس

- لا تخافين عمري مامه وجدو وياج شويه واجي گلبي طريقي بعيد بالقليل تلاث ساعات واوصل

-أي اريدك تجي أخاف أدخل عمليه وانت مموجود وياي لأن اني اقويه بيك

-رح احاول اجي ابويه انتي

-أنتظرك حبيبي

- راح اصلي ركعتين ربي يسهلج

-انتظرك

سديت منا وشوف جدي اخذ فوني رن على حيدر
-حيدر أبني لاتجي احنه يمهه كلنا ولاتخاف عليها ألطريق زلك وطينه ومطر
ليصيرلك حادث
أفهم ابني وحتى لو وعدتها تجي
يابه احنه يمهه

دنيت كلش مديت ايدي على جدو
-اريد احجي وياه

نطاني ألفون خليته على اذني

-حيدر أني جمانه

-أبويه أنتي المدير بالشغل ماقبل اطلع

كال بس تطلع وانت بهالحاله تسوي حادث
واني هسه مجمر عليج راح أحاول اقنعه

-حبيبي أني راح ادخل هسه

-حبيبي بس طبي للعمليه رح تلكيني يمج

غلقته وخايفه على ألطفل ادعي ربي ميضيع تعبي

كملت تاليل كعدت بل أستراحه منتظره الكل بعيونهم خوف عليه منتظره حيدر يتصل صاحو أسمي بوست أهلي واحد واحد والخوف داخلي وعيوني أدور حيدر بلكن جاي
اتمنيت اشوفه واستمد قوة منه