جنون الصبا

الجزء الواحد والعشرون

السلام عليكم
نازك الحمراني
 انستا al_homrna

‏أيقنت أن خوفك على الذين تحبهم قد يفوق أحيانًا خوفك على نفسك وأن لاشيء يُعادِل لحظة الطمأنينة التي تغمرك عندما تدرك أنهم بخير

- لا اهلي مايقبلون اطلع

- لاتطلعين انزلي للحديقه اني راح اجي

-لك وين تجي عزاا لا حباب

-ولج لاتخافين انت ويه حيدر و تخافين

- شراح تسوي

-بس انزلي ومعليج ابويه انتي

طلعت من كنتوري تراك ابيض وبي رسم وردي
لبسته ونزلت لاكتني ماما واني أطلع للحديقه

-وين رايحه

-مشتاقه ألمرجوحتي اريد اضل بيها شويه

-صاير بعقلچ شي شعرج لسى رطب وانت مريضه

-أشوي وارجع

تركتها وسرعت خطواتي للحديقه كعدت على المرجوحه وبالي أفكار
سجى شنو موقفها من أتصير ألخطوبه وهو يكول تحبه كلش
راح تتأذى
زين أني ألي سويته بهل موافقه صح
وطن
سجى
حيدر
اني
ياربي هواي حاولت اطلع من حياته بكل الطرق بس كل هالطرق ترجعني له 
خطوبتین کاملات هو يخربهن بأيده
علمود ارجع اله

اندكت الباب و كمت فتحتهه
صار بوجهي والضحكه ماليه عيونه
يتلفت يمنى يسرى ارتجى على الباب يباوعلي همس
-شلونج

- انت شلونك

-اني زين بشوفتج وردتلي روحي
یول شنوو هاي ضعفانه حيل ماريد هيج رجعي سمني شويه مثل ماجنتي

- وانت تعباااااان حياتي وضعفان وجهك ذبلان

- هانت ابويه انتي

- حيدر وجهك اصفر حيل خاف مريض حبيبي

-يرووحي يروح فدوه الج حيدر
الفرحه بعيونج هاي تسوى حيدر و عشيرته
همزين شفتها
روحي يالله

-خوش

رجع عدل وكفته يتبسم كال

-أني جنت اسال على جيرانكم بيت ام عمر وين مكانهم

-مااااااعدنه هيج جيران

ضحك ورد
-اروح فدوة لذكائك
صمونتي اذا سالوج منو بالباب كليلهم هيج
أتفقنا

- هههه حتى الكذبه محضرها ماتجي بلا تخطيط

--يله حبيبي لا يحجون عليج

راح لسيارته طبيت للبيت اركض ميته فرح كلشي بيه يضحك تلكتني مامه معصبه

- شعندج طالعه وتركضين هستوج طالعه من المستشفى منو بالباب

انسحبت الضحكه من وجهي

- هاا ... شسمه هذا واحد بسيارة
يكول وين بيت ابو عمر
كتله ماكو بالفرع بيت ابو عمر
ماعدنا هيج بيت
اقصد هيج ناس