جنون الصبا

الجزء الثامن والعشرون

السلام عليكم
اللهم سخر لفلسطين ملائكة السماء وجنود الارض ومن عليها وافتح لهم ابوابك ويسر امرهم وقوي عزيمتهم
ومد صبرهم اللهم اكرمهم واحفظهم واجعل لهم من كل ضيق مخرجا اللهم انصرهم وافتح لهم فتحا مبينا اللهم احفظ فلسطين واهل فلسطين يامن لا تضيع عندك الودائع اللهم امين
نازك الحمراني.....

ألعشق أنت
وقلبي أنت...
فيا انت
ارحم من قال لك
أغلى مايملك في الدنيا أنت

-حيدر ....

-كول خويه....

-ياب شوف بس لا تزعل...سجى اخذت جنطها
فرغت الكنتور

وكفت وعيوني بعيونه مااعرف شأسوي
افرح أضوج أبني الظهر يمي ارجع افاركه

- شراح تسوي

مكدرت أحجي مجرد واكف موبايلي رن مكتوب سجى فتحته راسن جاوبتني بلا سلام

-حيدر أني طلعت من البيت ماريد تبقى گبالي
مااريد أضعف
تعرف معزتك
أرجوك أستعجل بالطلاك

-سجى ...

-خلاص حيدر الوقت تأخر وما اريد اتناقش بشي قررنا مسبقآ

غلقته طبكت باب السياره حيل شسوي يارب ابني راح اموت على شوفته
دقايق عمي ابو سجى اتصل جاوبته

-أاااامر عمي

-ابني أذا انت قريب تعال لبيتي

-خمس دقايق و يمك

لفت السياره مريت ألبيتهم دكيت ألباب طلعلي سامي معصب

-السلام عليكم

رد بملل وراح كدامي
-وعليكم السلام

دخلت للصاله مالي خلك روحي و أستفزاز سامي عمتي أم سجى صاحتلي

-تعال أبو وطن للغرفه أنت مو غريب

النعاس براسي كمت للغرفه واشوف عمي متمدد على چربایته يم أم سجى دنجت بست أيده..
-خيرك عمي الصبح زين مبيك شي

جاوب يهز راسه
-يعمي قهركم أنت وسجى تعبني
ليش دتسوون هيج ياب

دخلو سجى وسامي كالت بضوجه
-بويه خلاص أني وحيدر مو زغار قررنا
محاجه أنلح بلموضوع وندمر الاحترام
الي گبرنه علیه اني وحیدر
باچر أني وسامي نروح للمحكمه
وحاچیت صدیقتي المحاميه
خلیتها موكله الیه بكولشي راح ترفع الي دعوة

رد سامي
- انطتنا موعد بلعشره ألصبح

اسمع الهم واحك براسي فار من الحرگه أرتجيت علكرسي أفكر بوطن وماريد حاليآ احجي اي شي بسبب وضع عمي الصحي المتدهور
بدا يكح صاح بیهم
-مااااااااكو طلاااااااااااااك بعشيرتنا فاهمه عود صرتي دكتوره وتقررين عن الکبار
شني بويه ماتحترمين شيباتي

كعدت يم رجله تتوسله
-مخلیتك على راسي يابه
و أنت تعرف كلش زين
مو أني الما أحترم...بس خلاص..