جنون الصبا

الجزء الرابع عشر

السلام عليكم
نازك الحمراني.....

- ‏وإن اشتقت لي يوماً اختبىء تحت غطائك وكُفّ عن بكائك ولا تحادثني، فقط اطردني من مخيلتك تذكر بأنني سيء كما قلت عني وأني لا أستحق تفكيرك.

كعدت لكيت نفسي بغرفه غريبه وين أني؟؟
أفتح عيوني كوه من الألم مكدرت أكوم
ألتفت يمنى يسرى ريحة ديتول ركزت على ألحايط على الشباك هاي مستشفى انتجيت على أيدي تأذيت

ماما بابا وينهم اشصار عليهم ردت احجي ألوجع ماخذني تلمست راسي من الجهه اليمنه مضروبة بكصتي
بعدت ألغطى واشوف ركبي اليمنه مصابه و تملخني تملخ من الالم وجعها فضيع كوه كعدت على حيلي ابجي بحركه ماما بابا ماتو
واني هنا محد يعرفني صحت

-بابا وينك ماما

جريت ألغطا أحاول أكوم ماما وينها حتعوفيني هسه بابا توك تضحك وياي صرخت بقوه ماتخيل نفسي افقدهم على صوتي أنفتح ألباب دخلت الممرضه متريدني أكوم

كالت

-لاااااا تتحررررركين ميصير

جريت أيدها

-فدوه ألله أيخليچ وين اهلي

-أهلج زينين بغير غرفه بس يصحون ناخذج الهم

- الله عليج صدك مابيهم شي

-والله زينين حالتهم بسيطه..
بس شويه رضوض ابوج بصدرة
لان صدره صاير عالستيرن ومتاذي شويه
يعني ضلعين متأذايات

-عزززاااااا بابا..

-والله مبيهم شي يله ارتاحي للتحركين

جاي أعدل كعدتي الوجع موتني

صحتلها
-فدوه رجليه دا تموتني من الوجع ركبتي حيل توجعني اشبيها

ردت
-مبيج شي شويه و تصيرين زينه بس أخلي كانوله ترتاحین

جرت أيدي شدتها لكت ألوريد خلتها

-كااافي توجع حيل

-راح اضربج ابره مهدأة

-ليش شبيه

-مبيج شي بس انتي لان  موصيني عليج كون ماتحسين بألم

جاوبتها

- مابيه شي راسي ميوجعني بس رجلي موتتني

-لعد صبر هسه يجي الولد الاجه وياچ راح دا يكمل اجرائات جوة ويدفع الأجور وهو يجيج

-ولد  منووو

- ماعرف بس جان شايلج ويصرخ بينه وهو جابج للطوارئ

-ها خاف خطيبي

اجت عليه الممرضه يمي عدلت نومتي و كالت

-ياعيني عليج لبسج ومكياجج....وين جنت رايحه

وانه اتمدد...كتلها
- اليوم المفروض الخطوبه مالتي بس وين اني

سكتت ماحجت شي مجرد نظراتها مقهوره عليه