جنون الصبا

الجزء الثامن عشر

السلام عليكم
نازك الحمراني

-كللللللوش

- يبووو لك سد حلكك فضحتنه

عدل كعدته وخصل من كذلته حركها ألهوى رتبها بأيده دار وجه عليه
شفت بعيونه فرحه چبیره کلش....

-صمونتي اريد اطلع هل فرحه واسمعها الكل الدنيا لچ هسه اشغل أغاني ساجده عبيد
حتى أركص عليها

رفعت حاجبي اله

-شتقصد ساجده عبيد

-هههههه خرب حظج صرتي تتحسسين منها
يول كلناها مره وحده كفرنا

-عبالي

-يحلالچ الغرور أبويه انتي

اجى يطلع راسه بعد يهلهل

-حيدر عزااا تخبل الرجال

خزرني
- منووو مخبل

-محد عليه

-عبالي

-راح أوصلج للبيت

-لا اريد ارجع للكليه حته ارجع ويه الخط

-يولو لتعاندين أني ارجعج

- يمعود ابويه يشوفك لك اروح بيها

- ابد انزلج على الشارع وابقى اراقبج لحدما تطبين ليش تبهذلين روحج بالخطوط وياكم ولد حبيبي أغار

الحاحه يحرك شي جواي وهو يتحجج فرحان
طاير من الفرحه إحس حتى مسامات وجهه تشع فرح ويغني ويه الاغنيه واليشوفه عبالك طفل سوالفه سوالف المراهقين واحنه دانرجع بالطريق طلعت اغنيه عالراديو كلش حلوه وحبيتها

"أرجع وخليني اشوفك يل حبيب
والله مشتآك ارد ابوسك واحضنك
طعم شفتك بيه لتصدك يروح
انت هم مثلي طعمها بشفتك''

مديت أيدي على المسجل اريد اطفي
لان حسيت حيل اثرت بي وخلته يستغفر
وينافخ عكرت مزاجه

بعد ايدي عن التحكم يريد يبقي و دار وجه
وصلني لراس الشارع وراح التفتت له يباوعلي الى أن دخلت للبيت

دخلت للمطبخ فتحت الجدر وكعدت اكل بسرعه اريد اصعد انام كلش تعبت

-بنت نبيل شو چنچ مهموشه.

-جوعانه

-اكلي بلعافيه بس ترى محد يركض وراج

-أي أنشاء الله اراعي الأتكيت لتخافين ههه

-عزززااا أم السان من فكره ألياخذچ

غصیت بلكمتي
وكفت وراي طبط على ظهري...

-قصدج هنياله ماما ترى اني بتج

-وووووچ أستحي تحجين هيج
أني بكدج جنت أستحي احجي بهالسالفه

أباوع بوجه أمي

-أهوو ماما مو تكولين بكدچ چنت أني عندج

-يا يا ألبنيه ستخفت تعالي لچ