جنون الصبا

الجزء الثامن

السلام عليكم

نازك الحمراني

چنت واكف يم الكولونيل الأمريكي اني و مخلد نأخذ الراتب

-أني أروح كدامك خاف تتاخر مالي خلك اضل افتر وراك

-تمام اني شويه وارجع عندي كم شغله

هو راح كدامي واني كملت شغلاتي رحت للسياره
فرحان لأن طلع اسمي بالتقديم ارجع للجيش بقى مجرد يطلع موافقه وامشي بمعاملتي و اداوم برتبتي الجيش حلمي وتعبت بيه ماادبر غير الجيش لان مو بس احبه لا شي مزروع داخلي

واني امشي بطريق الرجعه من الجام شفت مريه بشارع مدده كاعد يمها رجال

ردت أتركهم لأن تأخرت عالبيت وصارت بالسته وقت الحضر عبرتهم ثواني رجعت السياره ورجعت الهم مکدرت انقهرت علیهم ماكو سيارات وطريق سبع البور هيمة وصوت المريه يكسر الخاطر

طبكت ألسيارة ونزلت مشيت خطوتين عيوني للسياره الواكفه يمهم شكيت أكو أنه لان عيون علی الرجال والمریه المدده
ردت مانزل بس تعلمت من والدي لازم اساعد المقابل

تمشيت الهم سالتهم

-هاا يابه أساعدكم بشي

ما كملت كلامي حسيت ثنين حاوطوني و بيدهم سلاح واحد سلاحه على راسي
والثاني أسلاحه بطني افتهمت الفلم
عرفت روحي خلاص انخطفت
مو خوف بكدما أترقب شيعرفون عني منو اني بنظرهم وشمطلوب مني

- شتريد مني

-أسكت ولا كلمه خاين أبرك ولاتحچي

-غير أعرف شتردون

-لك ساق** لا أطشر دماغك

عرفت هنا أني بيد ناس متخاف ألله جابو عصابه سوده على عيني وايدي ربطوها كعدوني للکاع وبنتر وكفوني يغلطون ويفشرون اندفعت ابطن السياره بوسط جسمين صرت ومن صفاحي الثنين مسدسين مضغوطات على خصري تحركت ألسياره اقل من نص ساعه والي عرفته من طبطبت السياره دخلت السياره بوسط درابين مناطق ما مبلطه عبرت خلالها من الشوارع الرئيسيه یتجنبون السيطرات والمرور

وكفت السياره نزلوني كادوني ألبيت كعدوني للكاع

-يابه بس فهموني شنو السالفه

-أنت مو المترجم مخلد

-اي مترجم والحمدالله ساعدت هواي بريئين

-خاين زندیق

حجى الثاني

-دنچب ولا اااااااتحچي أنت خاين ومطلوب

-أبويه غير تفهموني خاين منو ومطلوب ألمن

-يجي الشيخ ويشوف شيسويلك

مااحسيت أله مددوني للكاع شدو رجليه بقوه
أحس حتى الدم نحبس بيهن وأيدي ضبوها حيل دارو راسي للكاع حسيت جوايه تراب
بقى يضب أيدي أكثر والدم نحسر مكان الحبل
صار المكان هدوء حاولت أحرك أيدي لازم اتحرر تذكرت من يومين مقطع فيديو ذبح مترجمين يعني أني هيج رح أنذبح أجى بالي هواي أفكار ألخوف مو أولهن بس تتمنى تعرف شرح يكون مصيرك