هُولا فُوكس..~💖
إسمعوني بقى شوية عشان أنا حرفياً زهقت، و آسفة لو هكون حادة شوية في الكلام، لكنها المرة التانية اللي أتعصب فيها في الرواية الزفت دي، و فعلاً مش حابة أكرهها لأني بديت أكرهها.
هاري غبي. غبي.. غبي يا جماعة. غبي.. غبي.. غبي.. قسماً بالله معندوش أي مرض. غبي مش أكتر و لا أقل. دا غير بقية العوامل التانية اللي زادت الوضع سوء، زي إنه مكملش دراسته، و طفولتة المهببة بستين نيلة، و تصرفات ابن العاهرة لوي يعني.
فما علينا بقى. هاري هيفضل كدا لنهاية الرواية، أرجوكم بلاش تزنوا -تلحوا- على أهلي و تكرروا أم الأسئلة نفسها لأنها بتعصبني. و يمكن محدش فاهم معنى الغباء بشكل جاد يعني، فاكرينه شيء من الهزار.
الغباء : عدم فهم المعلومات بشكل صحيح. و أظن كلنا عارفين دا ينطبق على مين..؟! دا غير إنه كمان عنده بطء في الإستيعاب. فكرة الغباء مش لطيفة خالص، و بتعصب أي شخص، أنا مجربة دا في حياتي الواقعية. و مش حابة أشهر أو أقول تفاصيل أكتر في النقطة دي.
و أيوا، عشان تهدوا و تتهدوا، أيوا. النهاية هتكون زفت عليا و على سنيني السودا. هتكون أسوء نهاية ممكن تقروها بحياتكم في يوم. فمن دلوقتي.. اللي مش عاجبه دا، اللي بيتأثر أوي، أو أي هراء تاني. روايات لاري حرفياً مغرقة الواتباد، يتفضل يروح يقراها بدل ما يضيع وقته هنا.
و رغم إني عشان خاطركم كنت شغالة أفكر بنهاية جديدة -بغض النظر إني ملقتش- لكن بسبب القرف اللي بيحصل دا، و اللي أنا بعيشه. فلاء.. يا رب أموت قبل ما أكتب في الرواية الزفت دي نهاية سعيدة. هديتوا كدا..؟ اتهديتوا..؟ خلاص..؟
لوي عنده حاجة إسمها نوبات غضب، حضرته بيتعصب بسرعة، و ساعات بيعمل حاجات من غير وعي وقت ما يغضب. و يا سلام بقى لو كان سكران.. الليلة هتكون عنب يعني. دا غير الباشا عنده سجل طويل مع إدمان الكحول.
لوي بيحب هاري، لكنه مش قادر يسيطر على نفسه زي ما حضراتكم متقدروش تسيطروا على نفسكم في حاجات، و هاري غبي كفاية إنه ميفهمش دا، و ميحاولش يهرب أو يبعد عنه، لأن اللي بيعمله لوي بلحظة غضبه، بينساه لما يرجعوا يصالحوا بعض.
و بلاش تحسسوني إني في مطعم لو سمحتم، تقولوا عايزين لاري، عايزين زيام. أنا فعلاً مبقتش فاهمة. مرة ألاقي اللي كاتب عايز زيام فلما اكتب عنهم ألاقي اللي كاتب عايزين لاري. فإيه بقى..؟ اعملكم إيه..؟ أولعلكم في نفسي..؟! أكتبلكم 7000 كلمة كل فصل و أشنق أفكاري و تنتحر..؟
إهدوا، أرجوكم إهدوا. الضغط اللي بشوفه هنا عمري ما شفته في حتة تانية. و عارف إنكم تحبوا الرواية، أنا بحبها، لكنكم محتاجين فعلاً تفهموا كل الحقايق و الحاجات دي. و يا رب تكونوا فهمتوا.
هسيب النوت دي لحد نهاية الرّواية و همسحها بعدها. يلا تعالوا شوفوني إزاي الفانيال بعد خمس أيام و شغالة أحرق دمي في رواياتي و مع المتابعين. : )
آسفة لو كنت حادة شوية، لكن مقدرتش أتحكم في أعصابي للأسف، بتمنى تتفهموا حاجة زي دي.
٭ هنا هقبل أي مناقشة أو سؤال.٭
يلا، اعتنوا بنفسكم، بحبكم جداً، اقضوا يوم لطيف و جميل شبهكم..💖🌻
أنت تقرأ
ستيرل | L.S
Fiksi Penggemar[ مُكتملة. ] • • . . "لقد حاولتُ التوقف مراراً. كنتُ أتوقفُ لأجلك، و بعدها أعودُ مرة أخرى بشكلٍ أسوء عن ذي قبل. الأمر كان قاسياً للغاية، كدتُ أجن لكني حاولت. بذلتُ كل جهدي لأتوقف. يومياً كنتُ أحاول، ربما ستجد الأمر وكأني لم أحبكَ أكثر. لكنك كنت كل ش...
