الفصل الواحد والاربعون
بعد مرور أسبوع
ظلت ألماسه تدور في المنزل تشعر بالملل الشديد ، رفعت يدها تتلاعب بخصلات شعرها وهي تتحرك مفكره بشرود ثم توقفت أمام مرآه تتوسط صالة المعيشه وهي تتأمل ثوبها الأزرق الطويل ذو الأكمام الطويله و فاقت من تأملها للثوب عندما رأت صورته المنعكسه في المرآه يقف خلفها يضع كفيه في جيوب معطفه الأسود ٠٠ التفتت له بهدوء وحدقته بنظرات ثابته قائله بجفاء :
_ جيت بدري النهارده يعني !!
رمها سفيان بنظرات جامده قائلا بتساؤول بارد:
_ إنتي لسه محضرتيش الأكل ؟؟
مطت ألماسه شفتيها وتحركت بخطوات متغنجه بتعمد وجلست على أحد المقاعد واضعه ساق فوق الأخري وهي تقول بأسف مصطنع :
_ مبعرفش اطبخ
رمها سفيان بنظره مبتبرمه وجلس على أحد المقاعد قائلا بسخريه :
_ إنتي مبتعرفيش تعملي حاجه أبدا في حياتك
حدقته هي بنظرات ذات مغزى وهي تسترخي بجلستها في المقعد قائله بهدوء بارد :
_ والله أنا قولتلك رجعني لعمي
احتدت نظراته المحدقه بها وقال ببعض الانفعال :
_ إنتي مراتي ، ورجوع لعمك مش هترجعي ، أنا ارجعك بمزاجي ، مش بمزاجك
رمته ألماسه بنظره مستنكره قائله بنبره بارده ساخره :
_ والله ، مش كان كل الي على لسانك ، هطلقك وارجعك لعمك و أنا ياسيدي موافقه
قالت الجمله الاخيره وهي تنظر له بتحدي ٠٠
ظل صامت لثواني يتأمل تعبيرات وجهها التي تغيرت في هذه الأيام من الضعف الي القوه ، مما دفعه يهتف بنبره ساخره بارده:
_ اتغيرتي بين يوم ليله كده وفجأه بقيتي قويه وبتعاندي
عقدت ألماسه ذراعيها أمام صدرها ومطت شفتيها قائله بثقه وجمود :
_ طول عمري قويه ومفيش حاجه بتهزني ، وأن كان ضعفي ظهر ليك الفتره الي فاتت ، فبوعدك أني دي غلطة كبيرة في حياتي ومش هتكرر ٠٠
تأمل تعبيرات وجهها التي تشع تحدي وقوه ، ثم قال بهدوء متناهي يسألها :
_ تقصدي أن حبك ليا كان غلطه؟؟
حركت ألماسه رأسها نافيه وأجابت بوضوح هادئ :
_ لا ، مش غلطه ، أنا بحبك وهفضل أحبك ، بس مش هسمح ليك تستغل حبي ليك عشان تحولني لشخصيه مهزوزه ضعيفه ،انا عمري ما كنت كده
اردفت مكمله بنبره قد ارتفعت قليلا بانفعال :
_ وللأسف بمنتهي الغباء سمحت ليك تخليني لعبه في ايدك ، تزعق وتشخط وتهين وأنا أسكت لا وكمان أعتذر على ذنب معملتوش عشان إيه كل ده عشان حب ، طظ في الحب الي يخلي الواحده تتذل وتبقي معندهاش كرامه
قطب سفيان حاجبيه باستنكار وقال باستهزاء منفعل :
_ ذنب معملتوهش !! ،انتي شايفه أنك مغلطتيش ؟
مالت ألماسه قليلا بجسدها للأمام وهي تشبك كفيها ببعضهم قائله بتحدي سافر :
_ أه مغلطتش ، كان هدفي اساعدك ، يمكن غلطت في الطريقة ، بس هي دي الماسه طبعي كده حياتي كلها كانت كده عمري ما حسبت اي تصرف عملته ، أنت منتظر مني أني أبقي ملاك بين يوم وليله ، وأنا مش ملاك يا سفيان
أنت تقرأ
العبق الاقحواني " مي الفخراني" (كامله)
Romanceاقتباس من الأحداث تحدثت بعصبية شديده وهي تشعر بأنها علي حافة الإنفجار من الغضب : _ جوزك ده ملوش دعوه بيا سمعاني ، أنا زهقت منه و .... لم تكد تنهي تلك الأحرف الناريه حينما وقعت عينيها علي تلك الكتله المشتعله بحممٍ متفاقمة كالبراكين ، لم تخطيء مقلتيه...
