حور .. بقلم Doctorita

1

قبل اي حاجة..

حور واحدة عاشت عمرها محبوسة في قصر وسط دفى وحب ابوها وامها.. ماتعرفش اي حاجة تانية.. فهي ايقونة للبراءة والصفاء والنقاء والطفولة.. الي لسه ماتخدشتش ابدا بأي حاجة.. سواء وسائل تواصل اجتماعي او وسائل خارجية او ضرب او مشاهد ايا كانت.. حور طفلة كبييييرة.. ودا هنعرف سببه اكيد..

فالي حابب يقرا رواية كدا.. وبتعرض قضايا مهمة جواها يتفضل.. ويقول رأيه بكل ادب واحترام ونقد بناء سواء سلب او ايجاب.. 💜
والي مابيحيش.. برضه يتفضل اكيد هيلاقي ذوقه في مكان تاني.
💜💜💜💜💜💜💜💜💜💜💜💜💜💜

استيقظت حور من نومها على أصوات عصافيرها الجميلة..
اعتدلت .. في حجرتها الوردية ذات الشرفة المليئة بالورود الجميلة..

خرجت من الفراش وأخذت تكلم عصافيرها ببهجة تسعد القلب

-حور:صباح الخير يا حلوين..(كل هذا وهي تضع لهم الطعام) انهردا يوم غريب.. اه والله.. مش عارفة بقى.. مامي بتقول ان في ضيوف جيين عندنا.. (ورفعت يديها تدعي)  عارفين اول مرة ييجي عندنا ضيوف.. و.

قاطعها صوت والدتها تطرق الباب تدخل ببهجتها المعتادة وابتسامتها الحنون
تركت حور العصافير واندفعت نحو والدتها تحتضنها كالعادة بأجمل ابتسامة
-حور:صباح الخير يامامي
ابعدتها الفت عن حضنها ..تمسح على شعرها الناري
-الفت:صباح الخير يا روح مامي... يلا ادخلي خدي شاور جميل زيك كده بسرعة علشان نفطر.. علشان بابا يلحق يستقبل الضيوف..

-حور:انا مبسوطة أووووي يا مامي اخيرا في ناس هتيجي عندنا واعد معاهم واتكلم كده وكمان نلعب
وأخذت تدور حول نفسها وتضحك

ابتسمت الفت
-الفت:ربنا يبسطك كمان وكمان... يلا بسرعة خدي الشاور
-حور:حاضر بسرعة

...................................................
تنزل ألفت على السلم الطويل..

سلم القصر.. انه قصر جميل.. واسع جدا.. محاط بسور عالي.. لا أحد يعلم مابه.. بوابته حديدية عالية أيضا.. عليه حرس كثير.. لكنهم يحرسون مداخل ومنافذ القصر.. بينما داخل القصر.. هناك جنينة واسعة مليئة بالألعاب يوجد بها مرجيحة جميلة وسط الأزهار الزاهية.. بجانبها وسادات عالية وشجرة توت جميلة.. هذا هو مكان حور المفضل.. تجلس.. تلعب.. تقرأ.. وأحيانا كثيرة تأكل
هذا المكان يقع خلف القصر.. اما أمامه يوجد جراج ملئ بالسيارات.. فوالد حور يعشقهم...
على يمين القصر توجد مزرعة خيول عربية أصيلة..