عندما وقع مغشيا عليه.. اسرع حاتم ويحيى ووضعوه علي الاريكة بصعوبة..
فاقت ريم بسرعة من اندهاشها.. وكشفت عليه
-هو هيصحي الصبح.. يحيى ادي الروشته دي لحدمن الحرس يجيب الحاجات دي
-حاجات ايه.. ابني فيه ايه
-اهدي بس يا طنط.. علشان الصبح لما يفوق مايحسش بالصداع
جلس الجيع بجانبه حتى الساعة السابعة صباحا.. وهو لم يفق
-يلا يا عمي ارتاحوا شوية وهو هيفوق انشاء الله
-لا اما انا مش هتحرك... لما يفوق.. علشان مايمشيش..
-معلش يا طنط.. روحي بس ارتاحي وانا بوعدك اه.. مش هخليه يمشي
صعد الجميع ليرتاحوا.. بعد ان اقنع حاتن والده.. بأنه سيكون مع حور.. فهي الان ليست زوجته
-تجلس بجانبه على الاريكة تنتظره يفتح عينيه.. لن تتركه.. صمتت ودموعها تسري علي خدها
-ايه لسه مافاقش
-لسه يا جوي.. تعالي يا حبيبة بابي.. تعالي
حملها وجلس علي الكرسي امام سيف
اخذت تصدر في اصواتها المرحة.. وعبست تريد الذهاب للجهة الاخري.. لا يعرف هل تريد حور ام سيف
اعطاها لحور التي مسحت دموعها.. وحملتها.. فضحكت جين ضحكتها الطفولية التي تسرق القلب
ولكنها كانت تريد الذهاب الي سيف
-عايزة تروحي... استني لما يصحى.. عارفة.. واخذت تتحدث معها كأنها كبيرة وستفهمها.. فتركها حاتم وجوي
-عارفك.. سيف هيبقى عمو حنين خالص... هو هيحبك اوي.. وانتي حبيه.. بس مش اوي علشان دا ملكي انا.. بس.. هو بعد عني.. انا عارفة اني انا السبب.. بس والله فهمت خلاص... انا طفلة وماكنتش فاهمة حاجة... ومتسرعة.. ووحشة.. بس بحبه اوي يا جين...
مسحت دموعها..
-بصي لما يصحى.. اشبطي فيه ماتخليهوش يمشي.. والله وانا هخليه يسامحني.. انا بحبه اويي.. ومش هعمل كده تاني ابدا... عمري ما هبعد عنه... بس يرجعلي.. شوفتي يا جين كان عايز يتجوز تلاتة غيري انهردا مش واحدة بس.. شفتي.... والله بحبه.. اشبطي فيه يا جين بقى.. واحنا نتجوز واخلف لك ولد حلو خالص واخليه يلعب معاكي... ولما يكبر تخبوا بعض وتتجوزوا.. بس ماتبقيش متسرعة فاهمة.. بس انتي مش زيي.. انتي حوليكي ناس كتير.. مش هيقفلوا عليكي.. وهيفهموكي كل حاجة..
نظرت لها وجدتها نامت
-انتي نمتي زي كل مرة...
ووضعتها علي سرسرها بجانب الكنبة...
ومن ثم نظرت لسيف.. ووجته جالس علي الاريكة.. يضع رأسه بين يديه وينظر للارض
👀👀👀👀👀👀👀👀👀👀👀👀👀👀👀
-سيف اول مرة يعمل كده
-لما يفوق هيندم جدا
-بس غصب عنه.. هو بيحبها
-عارف بس يا ريم.. دا شرب.. وكان..
-ربنا غفور رحيم.. والحمدلله انكوا لحقتوه قبل مايعمل اي حاجة.. تخليه يندم اكتر
-الحمدلله....
-ريم
-ه
-مالك بتحلوي كده ليه
-ههه احنا في ايه ولا ايه..
-تعالي بس.. هي واحدة.. بس
-بعينك يا يحيى
-طب ما انا خدتها قبل كده
-دا كان علي خوانة يا اخوية
-اخوكي... طب ما تيجي وانا اثبت لك اني مش اخوكي
-بس يا قليل الادب
-يعني انا لو قربت كده.. وحضنتك كده.. هتعملي ايه
أنت تقرأ
حور .. بقلم Doctorita
Любовные романыالرواية جزئان 🔥العشق بهوسه غريب.. لكن الاغرب ذلك الرابط بين قلبين وشما لبعضهما.. اكتر من 3.000.000 قراءة و45.000 فوووت في اقل من سنة.. 💜 بقلم doctorita.. دوكتوريتا
