حور .. بقلم Doctorita

16

و💞💞يجلس مالك وبجواره حور
-جين شكلها مبسوطة اوي يا حبيبي

-ربنا يتمم لهم علي خير.. جاسر شكله كويس جدا..

-اه.. باين عليه محترم ولذيد...

قرب كرسيها منه بحركة تلقائية..
-باين ايه.. لذيذ.. ومحترم...... وايه تاني

-هو وحش.. ومش محترم.. حلو كده
قالتها بتوجس..

-ههههههه
صدرت ضحكاته عالية.. واحتضنها.. غير عابئ بالمكان او الناس....
-والله بحبك.....

استكانت في حضنه
-روحني.. همست بها
طبع قبلة علي جبينها.. ووقف وهي في حضنه متجها الي منزله

اما علي طاولة رافي.. وروح

-حور.. مالك
-في امتحان بعد بكرة.. وانا متدايقة.. ومش مذاكرة حاجة خالص
-ليه كده بس

نظرت له بريبة... فتراجع علي مقعده
-انت السبب... بعدك وكتب الكتاب.. وكل حاجة... ونفسيتي الي كانت وحشة.. انت السبب يا رافي.. اتصرف...

ابتلع ريقه بصعوبة
-حاضر... هتصرف.... تحبي اذاكرلك

-هتعرف
-يعني شحات وعايز فينو...
-رافي..... هتعرف ولا هسقط في اول امتحان... ولو دا حصل هقول لبابي انه انت السبب

-لا.. وعلى ايه.. انا هذاكر.. وهذاكرلك كويس كده..

-اه كويس

-رافي
-يا قلبه

ابتسمت
-اخبارك مع الدكتور

قال براحة
-كويس جدا.... وهومبسوط مني.. والبركة فيكي

-انت... انت ااي عايز تتعالج يا حبيبي.. ارادتك قوية

-تؤ.. دا بس علشان عايز اقرب منك... وعايزك معايا.. ومش عايز ابعد.. انتي الهدف بتاعي... الي علاجي هيوصلني ليه.. فلازم.. اتعالج

-انا بحبك

-وانا عايش ليكي وبس

💓💓💓💓💓💓💓💓💓💓💓💓💓

-بجد هتوديني الكازينو
-طالما عايزة تروحي هوديكي

اقتربت.. منه بتوجس.. تستشعر درجة حرارة جبينه بيدها

نظر لكفها الذي وضع.. وازالته
-انت مش سخن....
-ليه

-ماه مافيش حد عاقل هيعمل كده.. وياخدني هناك

-مش انتي نفسك في كده... يبقى هيحصل.. احلامك اوامر

سكتت.. وتأملت ملامحه.. هامسة
-بجد
-بجد يا جنية

-ليه كده.. ايه شدك كده
-نفس الي شادك دلوقتي وبتتأملي في ملامحي

-احمممم... لو مرة اتخانقنا... هتعمل ايه

-امم.. بصي يا جين انا شغلي صعب جدا... كنت عصبي حبتين... بس مع تدريباتي... بصبر كتير.. وبفهم الي قدامي... بس الي واثق فيه اني عمري ما هجرحك ابدا.. وعمرك ما هتنامي في ليلة وانتي جنبي وانتي زعلانة مني.. حتي لو في مشكلة كبيرة.. لازم تبقى بينا بس... وماتتخطاش اوضة نومنا... هاخدك في حضني.. وكله بيتحل..
تعلية الصوت والضرب وقلة الادب دي موضوع مفروغ منه.. عمري ما افكر اني استعمله.. استحالة... بينا احترام وحب ودا كفاية... لازم حد فينا يرخي لما التاني يبقى مشدود ومتعصب.... لازم نحتوي بعض احنا الاتنين.... الي بتطلبيه مني.. لازم الاقيه منك ومعاكي...... بصي يا جين.. من معرفتي لنفسي اووكد لك اني هحبك اكتر وبجنون وهغير جدا.... واكيد اتمنى اني الاقي نفس الشعور...... بس عمري ما هقصد ازعلك.. انا ببعد شوية حلوين في شغلي ولما برجع ببقى عايز نفسي مع حد بحبه وبس.. عايز ابقي جاسر الانسان مش بتاع الشغل والمهمات والكلام ده.. تؤ عايز ابقي معاكي يا جين علي طبيعتي.. ما فكرش.. وعايزك كده عايزك بجنانك.. وبهيبارتك الي شفتها مع راني... والبنت الي شفتها في الفرح . وفي نفس الوقت عايزك مع الناس كلها جين المسترجلة.... الي امشي وعارف اني سايب راجل ورايا... صاينة اسمي وشرفي.. ومربية ولادي كويس... وانا بحترمها وعيني ما بتشوفش حد غيرها... هي الوحيدة الي في قلبي