حور .. بقلم Doctorita

12

خرج حاتم من القصر مخبرا الحراس
-ماحدش يدخل القصر علي سيف باشا ابدا

ذهب الي منزلهم بمجرد ان دخل بالسيارة وجد الجميع يخرج لاستقباله

-عادل : بنتي فين
-اهدا ياعمي.. حور مع سيف .. صدقني هي كويسة.. وهو عمره ما هيأذيها

توجهت منى اليه وامست يده
-حاتم سيف ابني كويس.. عامل ايه

-قبل جبينها:هو بقى كويس لما راحت له حور... وبعدين يا ماما دا سيف ابنك انتي عرفاه... عمره مازيقدر علي زعلك

-بس المرة دي انا الي مزعلاه
-طب تعالي يا حبيبتي ندخل جوا

دخلوا بينما ظل رأفت ينظر امامه بشرود
رتب عادل علي كتفه
-صلي علي النبي كده.. ابنك راجل.. وهو ماغلطش.. ورده فعله تخليني اسيب بنتي دلوقتي ليه وامشي.. وانت عارف معزة حور

-قلبي واجعني عليه... دا سيف
-ماه علشان دا سيف.. لازم تجمد... انت مربي راجل صح.. الي يكون رد فعله بالطريقة دي.. ماتخافش عليه... وبعدين دا معاه حور... هههه تصدق حور البريئة نظرتها لألفت رعبتني

-علشان كدا قلبي واجعني.. حور وسيف بينهم رابط غريب... دي النظرة الي كانت المفروض تبقى في عين سيف... بس هو اتغلب علي نفسه... انت متخيل هو بيتحرق دلوقتي ازاي

-ههه صراحة متخيل... دا جنبه حور.. ولوحدهم... وفي وعد علي رقبته

-ههه ضحكتني والله

-فك ربك كريم.. مافيش اغلي من الاولاد... بس انت مربي صح... اوعى تزعل من الي عمله حاتم.. اهم حاجة انه ادام عينك... وقادر تلمسه... مش طيف بييجي لك في الحلم. قال هذا بنبرة تدل علي الحزن

-احتضن رأفت عادل وربت على كتفه
وهو يقول في نفسه.. ربنا يصبرنا احنا الاتنين علي الي جي

🎗️🎗️🎗️🎗️🎗️🎗️🎗️🎗️🎗️🎗️🎗️🎗️🎗️🎗️

دخا حاتم بوالدته وألفت الي الداخل
-اقعدي بقى يا ست الكل... هو بقى تمام.. اخد البنت في حضنه... وانتي هنا بتندبي في حظك... فكي يا منمن دا ابنك محظووووظ انما ايه

-بس بقي يا حاتم...ألفت واقفة
-الفت:لسه حاسة بيا دلوقتي.... وجلست بجانبها
اهدي انتي بس.. هو محتاج شوية وقت وهتلاقيه انشاء الله جي وبيبوس راسك كمان

-ييجي بس وانا الي هبيوس راسه والله

-ايه دا .. ايه دا انا بغير تبوسي راس مين يا ست هانم
كان هذا رأفت الداخل من الباب وهو يقول بحدة كاذبة

-شايف يا بابا الست ماما بتحب جديد.. ومن وراك

-ما لكش انت دعوة... دا روحي وعمري وفرحتي

-ماشي يا حبيبتي انا هقبل بالكلام دا دلوقتي.. بس ابنك ييجي تبوسيه انتي عارفة يا منمن هانم