فتح باب غرفة العمليات... هب الجميع واقفا
خرج رامي وخلفه مرام
وقف سيف...
عينيه تسأل.. وقلبه ينتظر الاجابة
اخيرا تحدث رامي
-الحمدلله... قدرنا نشيله... وهتتحول حاليا للعناية وانشاء الله تبقى كويسة.. بعد اذنكم
بعد هذه الكلمات التي اثلجت صدورهم... فرح الجميع احتضنوا بعضهم.. حتى منى.. لقد علمت فداحة ما طلبته من ابنها... لقد طلبت سلبه روحه...
(وياليت الجميع يعرف.. ان بهكذا طلب تسلبون روح الانثى.. وتدمروها... وتحولون انوثتها لاشلاء من الصعب ان تشفى...)
اغمض سيف عينيه... وهدأت ملامحه المتشنجة.. لم يستطع احد الاقتراب منه...
مازالت مرام تقف.. مكانها.. تنظر له ولرد فعله.. لقد كان كالتائه.. الذي رد لامه
👀👀👀👀👀👀💞💞💞👀👀👀👀👀👀
في المساء... متجمعين في خارج العناية... لم يرها احد الى الان... ولم يصر احد خوفا من تسبب الضرر لها....فقد يراقبوها من خلف الزجاج الشفاف.. وهي ممددة على السرير.. ومتصل بجسدها العديد من الاجهزة
-يلا.. يلا كله هيمشي ويرتاح.. علشان لما تفوق بكرة.. تلاقينا كلنا جنبها...
ثم نظر ليحيى ويوسف الذين ساعدوا الكل في الذهاب
اقترب من ابنه الواقف من الصباح.. فقط ينظر إليها
وضع يده على كتفه
فأغمض عينيه تزامنا مع سقوط دموعه.. التي سالت كثيرا هذا الاسبوع..
-سيف.. انا ربيت صح يا سيف... انت قوي... مش سيف الي يكلم امه كده..
وجد تشنج عضلاته اسفل يده
-ايوة يا سيف... غارف انها غلطت.. بس دي امك.... وماتقدش تبعد عننا... ولا تبعد حور.. حور بنتنا.. زي ماهي بنت عادل وألفت.... امك غلطت لما فسرت نظراتك غلط.... الاسبوع ده امك حبست نفسها في اوضتها.. والكل بعد.. كله مشغول هنا.. هي ماخرجتش الا انهردا.. على ميعاد العملية... حور ماحدش مايقدرش يحبها...... فوق يا حبيبي... خدت وقتك وحزنك... واديناك مساحتك. احترمناها.. بس دلوقتي.. خلاص حور هتبقى كويسة... ورب ضارة نافعة... ربنا كل شئ بيعمله ليه حكمة.. يمكن عمل كده علشان امك تتراجع عن تفكيرها.. علشان تشوف مقدار حبك ليها... علشان انت كمان تعرف قيمتها زيادة.. علشان هي تخرج من حزنها... وتعرف ان الولاد مش كل حاجة يا ابني... كانت في ثانية ممكن تخسر حياتها... كنت هخسر صاحب عمري بسبب برضه الخلفة.. ودلوقتي خلاص يا سيف.. كفاية خساير... حور هترجلك... حبها اكتر... لففها العالم.. عرفها الي ماتعرفوش.. بلاش السور الي بنيتوه حواليكوا... وامك تصالحها.. حتى لو هي الي غلطانة
دار سيف.. ملقيا نفسه في احضان والده يبكي...
احتضنه بحنو.. كطفل في السادسة من عمره
ربت علي شعره
-دي اخر مرة هتبكي فيها يا سيف... فوق.. مراتك محتاجالك
خرج من حضنه يزيل دموعه
-شكرا يا بابا
ابتسم لابنه
-خليك بقى فضيت لك الجو انا
-ابتسم على كلام والده...
أنت تقرأ
حور .. بقلم Doctorita
Romantizmالرواية جزئان 🔥العشق بهوسه غريب.. لكن الاغرب ذلك الرابط بين قلبين وشما لبعضهما.. اكتر من 3.000.000 قراءة و45.000 فوووت في اقل من سنة.. 💜 بقلم doctorita.. دوكتوريتا
