بابا انا عايز اتجوز حور..........
ظلت هذه الجملة تتكرر مئات المرات في عقل عادل.. الذي ينظر بدهشة جراء هذا الطلب.. لم يعد قادرا على الوقوف.. فجلس على أقرب كرسي.. وظلت هذه الجملة تتردد بعقله.. من.. يريد ان يتزوج من.. حور ابنتي.... لا.. حور النقية... ابنتي الصغيرة.. من هو ليفكر بها
بينما ريم اتسعت عيناها بشدة.. وفغرت فاهها بصدمة ولم تتفوه الا بجملة واحدة هامسة بها
:يا ابن المجنونة
خرج رأفت من صدمته وتوجه إلى سيف :ايه الي بتقوله دا يا سيف... انت واعي للي بتقوله
-
رد سيف بثبات -اكيد يا بابا واعي جدا
حاول والده التحدث بأكبر قدر من الهدوء وتمالك الاعصاب. فصديق عمره امامه-يا ابني انت لسه شايفها من ساعات.. دا غير انك في بيت أخوية وصاحب عمري... في مقدمات الأول.. الموضوع مش خبط لزق.. عمرك ما كنت كده يا سيف.. ايه الي حصل... فين سيف إلى بيوزن الكلام قبل ما بيقوله...
-
تنهد سيف - مش عارف يا بابا.. انت عمرك ما شفتني كده؟! اكيد لا.... بس في حاجة ..حصلت قلبي دق
لم يستطع رأفت الرد وجلس بجوار صديق عمره لا يعرف مايقول
-سيف يا حبيبي انت اكتر واحد عارف الأصول.. ايه جرالك.. انت مش مراهق يا حبيبي.. فوق كده في أصول لازم الأول تحصل
منى موجهة حديثها لسيف
نظر سيف لوالدته بسرعة :اعتبروني مراهق.. وشاف واحدة.. قلبه دق لها.. ومش عايز يخون الراجل الي هو في بيته... أكمل وهو يضع يده على قلبه.. يا أمي اول مرة احس كده... قلبي كان واجعني زي ماكان واجعها. ماسكتش غير لما قربت منها... قلبي بيحبها عايزها
أنت تقرأ
حور .. بقلم Doctorita
Romanceالرواية جزئان 🔥العشق بهوسه غريب.. لكن الاغرب ذلك الرابط بين قلبين وشما لبعضهما.. اكتر من 3.000.000 قراءة و45.000 فوووت في اقل من سنة.. 💜 بقلم doctorita.. دوكتوريتا
