نعم
كان هذا رد فعل عادل
كرر سيف حديثه بهدوء وثقة
-انا عايز اكتب كتابي علي حور
ترك الجميع مابيده من طعام.. ونظروا له في دهشة.. فسيف الرزين قد تغير كثيرا... اصبح يلقي قرارات مدهشة
عادل محاولا تماسك اعصابه.. رادفا بهدوء
-سيف مش قلنا لما نشوف هتقبلك ولا
جلس سيف علي مقعده.. واضعا يده علي السفرة..
مكملا بنفس هدوئه
بص يا عمي انا طول عمري صريح... انا مش قادر اسيطر علي نفسي وهي معايا... وقبل ما تنفعل او حاجة.. علشان كده عايز اكتب كتابي... ووعد مني حط المهلة الي انت عايزها... مش هاجي اقولك اتجوزها.. بس اكتب كتابي عليها... واي حاجة هاخد اذنك سواء في خروج معايا... لحد ماهي تيجي وتقولك انا بحبه
عادل باندهاش لحديثه
-سيف انت بتتكلم عن بنتي....
سيف مقاطع لحديثه
-ماه علشان بتكلم عن بنتك... مش عايز اخبي احساسي... انا بعشقها.. امتي او ازاي انا مااعرفش.. كل الي اعرفه اني عايزها ليا.. جنبي.. وبس.. والله هعاملها انها بنتي قبل مراتي
بكل هدوء اردف عادل
-ايه الضمان علي كلامك يا سيف
سيف سريعا
-الي انت عايزه... عايزني امضي علي ورق.. تمام.. مع ان كلمتي وحدها عهد وانت عارفني.. بس اطلب اي ضمان
عادل بتريث
-طيب يا سيف انا هقعد مع حور الاول.. بس لو وافقت.. هتعيشوا فين؟..
نظر له سيف متنهدا
-هتعيش مكان ما انا عايش اكيد
أنت تقرأ
حور .. بقلم Doctorita
Romanceالرواية جزئان 🔥العشق بهوسه غريب.. لكن الاغرب ذلك الرابط بين قلبين وشما لبعضهما.. اكتر من 3.000.000 قراءة و45.000 فوووت في اقل من سنة.. 💜 بقلم doctorita.. دوكتوريتا
