حور .. بقلم Doctorita

32

ما ان رأى سيف حتي اندفع يحتضنه.. بادله سيف الاحتضان.. ثم جلس
-عايز افهم يا سيف.. في ايه
-طلعت سريع يا حاتم.. وخدت بالك بدري
-تربيتك يا سيف... في ورق كتير مش موجود.. وصفقات انت استحالة تمضي عليها...

-الورق انا الي خافيه يا حاتم
نظر له بدهشة
-يعني ايه

التفت ليحيى الذي وقف يتحدث
-عمرك سألت نفسك انا وسيف عرفنا بعض ازاي
-اصحاب عادي

-يعني عمرك شفتني معاه وانت صغير مثلا.. دا انتو من القاهرة.. وانا اسكندرية

استغرب حاتم من هذه الاسئلة..
-لا معرفش...

-يبقى تعرف دلوقتي..

حاتم لازيعرف ماذا يحدث...
جلس سيف ويحيى امامه
-انت تعرف انا كنتزشغال ايه يا حاتم
-ظابط
-مخابرات.. ظابط مخابرات

اندهش حاتم.. فهذه معلومة لاول مرة يعرفها

-من خمس سنين.. جاتلنا مهمة.. كنت انا وواحد زميلي.. دايمازفي ظهر بعض.. انا في الوش.. وهو ظلي.. انا ادام الناس.. وهو يسهل.. المهمة المرة دي كانت حماية سيف

-وايه الي يخلي المخابرات تحمي سيف.. من ايه

-انت عارف نفود اخوك كويس... غير انه كان الاكبر في عالم البيزنس في الشرق.. الا انه ابتدي يوسع في الغرب.. وبعتك تفتح الفروع هناك... شغله نضيف جدا.. مافيش غلطة.. زي ماقال الكتاب...

-طب مادي حاجة كويسة.. ايه السبب

-واحد نضيف جدا.. بساعد البلد.. وبيعمل خير كتير.. وجهة معتبرة لمافيا ليها اغراض دنيئة
-مافيا.. نطقها حاتم بذهول وهو ينظر لسيف المتتبع للحديث ولملامح حاتم

-ايوة مافيا.. تدخل مخدرات في شحناته... تجند الشغالين في المصانع وتغير فكرهم من خلال ندوات مدروسة.. وتجندهم بقى في جهاد.. في فساد.. في حرب.. او مرتزقة
-انت بتقول ايه

-زي ما انت بتسمع.. دا الي حصل... عرفنا ببداية عرضهم على سيف.. سيف عارض.. وعرضهم من الاول كان صريح... اتواصلنا مع سيف.. وحطينا خطة نوقعهم بيها... ودخلت انا في الحرس الخاص بيه.. او بمعني اصح الطقم كله اتغير تدريجيا... وظلي كان ورانا خطوة بخطوة.. حتى سيف معرفوش وقتها...

-طب وبعدين ايه الي حصل
-الي حصل ان اول عملية كانت عبارة عن شحنة اسلحة... داخلة في شحنة الادوية... الشحنة عدت ودخلت.. وجه وقت التسليم... وقتها في حاجات كتير حصلت وكان في الجهاز نفسه في خاين... سلمني بفايل راح للجماعة بتاريخي كله... والعملية اتكشفت...

واحنا كنا لسه مانعرفش حاجة وماشيين تمام زي الخطة..
رجعت بالليل بعد استلام الشحنة بيتي.. كنت عايش مع امي وابوية ومراتي.. وبنتي الي ماكملتش شهور لسه... في

في ثانية.. دخلت لقيت البيت مقلوب.. وكل واحد علي راسه سلاح... والبوس بتاعهم شايل بنتي.. وبيضحمكلي