VIRTUAL REALITY: ECLIPSE SURVIVAL WORLD

CHAPTER 18 - K.Ociel's Lair

KEVIN'S POV

Dahil may sapat pa naman akong pagkain at pera, itutuloy ko na ang aking plano na magtayo ng kaharian. Pero siyempre, kailangan kong maingat na piliin ang lokasyon. Dapat malapit ito sa tubig at may malawak na lupaing sakahan.

Binuksan ko ang aking mapa na na-upgrade na. Dahil halos kasing laki na ito ng buong mundo at kasalukuyan akong nasa Pilipinas, sinuri ko ang mga lugar na malapit sa kapatagan, dagat, at minahan. Habang sinusuri ko ang mapa, may napansin akong kumikinang na bahagi sa [Western Mordoe]. 'Yun ang lugar kung saan nagmula sina Uno. Wala pa namang ibang manlalaro ang pumupunta roon matapos kong linisin ang lugar.

Naglakbay ako patungo roon dala-dala ang aking baby dragon na mahilig matulog. Bago ako tumungo roon, dumaan muna ako sa tindahan ng mga karpintero...

[CARPENTER SHOP]

Pagpasok ko sa loob, sinalubong ako ng isang matandang lalaki na may malawak na ngiti. Bakit kaya?

"Bibili ka ba, Iho? Gusto mong magpagawa ng bahay? Kailangan mo ba ng Guild Pearl, o kaya'y ng mga gamit?" Masayang tanong niya.

"Gusto ko po sanang bumili ng mga kailangan para sa palasyo ko. Magtatayo po kasi ako." Kalmado kong sagot.

Tumango-tango naman siya habang hinihimas ang kanyang balbas. Mukhang may naisip siya.

"May alam ako, Iho. Ang problema, hindi kita matutulungan sa pagpapatayo dahil ikaw mismo ang gagawa niyan. Alam mo, may espesyal na ranggo ang pagpapatayo ng palasyo, at ikaw pa lang ang may balak gumawa sa buong laro."

"Paano po ba?" Pagtatanong ko.

"Bibili ka sa akin ng permit, Iho. Ikaw na ang bahala sa iba pang mga gamit." Sagot niya sabay pakita ng iba't ibang kulay ng permit.

Iridium, Ginto, Pilak, at Tanso.

Hmm. Bakit kaya may iba't ibang kulay?

"Matanong ko lang po, bakit po may iba't ibang kulay ang mga permit?" Curious kong tanong.

"Ang bawat kulay ay may mga espesyal na kakayahan. Ang Tanso ay para sa pagpapagaling, ang Pilak ay para mapabilis ang iyong paggalaw, ang Ginto ay para sa proteksyon, at ang Iridium ang pinakaespesyal sa lahat. Mayroon itong lahat ng kakayahan ng iba pang mga permit, at mayroon pang isang sikretong kakayahan na ikaw lang ang makakaalam." Paliwanag niya. Tumango-tango naman ako.

"Magkano po ang bawat permit?" Tanong ko. "Ang Bronze ay 25,000 BARS, ang Silver ay 50,000 BARS, ang Gold ay 75,000 BARS, at ang Iridium ay 100,000 BARS." Sagot ng matanda. Tumango ako at binili ang Iridium permit. Mahal siya pero sulit naman.

Lumabas ako ng tindahan ng mga manggagawa at pumunta sa tindahan ng mga mangangalakal. Bumili ako ng mga gamit na kakailanganin ko para makagawa ng mga pader para sa aking kaharian. Ang diamond ang pinakamatibay na materyal dito at binili ko ito sa halagang 1 bilyong Bars. Bumili rin ako ng mga bintana, salamin, isang simpleng bandila, hagdan, at mga bubong.

Para sa panlaban, bumili ako ng machine gun, isang blueprint para sa isang pader na gawa sa diamond na nagkakahalaga ng ilang BARS, pati na rin mga patibong at bakod.

Sa sobrang dami ng binili ko, umabot ako sa 10 bilyong BARS. Mabuti na lang at marami akong pera sa laro dahil sa mga kalaban na napatay ko dati.

***

Pagkatuntong ko sa pinakadulong kanluran, binigkas ko ang mga salita sa permit at agad na lumitaw ang pundasyon ng aking kaharian. Unti-unti itong lumaki, may ikalawa at ikatlong palapag, bakuran, at maraming silid.

Nagningning ang permit nang tignan ko ito. Katulad nga ng sinabi ng matanda bigla na lang nagkaroon ng mga buff ang kaharian ko, tulad ng pagpapagaling, pagbilis ng galaw, at proteksyon. Naglakad ako ng isang daang kilometro at naglagay ng mga bakod, nagtanim ng mga puno para matakpan ang kaharian, at naglagay ng mga patibong para sa mga maliliit na hayop. Naglagay din ako ng mga ilaw sa paligid, kahit gabi na. Nagtayo rin ako ng isang malaking daungan na gawa sa diyamante. Isang daang kilometro bago makarating sa kaharian, naglagay ako ng mga pader na diyamante. Bawat pader ay nilagyan ko ng machine gun, at sinigurado kong may machine gun din ang bawat tore ng kaharian.

At sa bandilang walang disenyo, ginamit ko ang aking kakayahang gumawa at isinulat ko..

[K.OCIEL LAIR]

Dahil sa mga ilaw na aking inilagay, ang aking kaharian ay nagliliwanag kahit gabi na. Nagkalat din ang aking hukbo sa labas ng palasyo.

Bilang espesyal na buff, mayroon akong isang liwanag na umaabot hanggang langit sa gitna ng palasyo. Ang liwanag na ito ay umaakit ng mga manlalaro at mga NPC na walang tirahan.

Ang malaking pintuan ng aking palasyo ay gawa sa ginto, habang sa may mga bakod ay mayroong mahabang pulang karpet. Gayunpaman, hindi basta-basta makakapasok ang sinuman dahil sa aking mga sundalo.

Tumingin ako sa dagat. Kailangan kong palawakin pa ang aking nasasakupan upang magkaroon ng mga bukid, minahan, pamilihan, at iba pa.

Napatingin ako sa aking baby dragon. Gising ito at nakatingin sa akin. Natuwa ako at gumaan ang aking pakiramdam dahil alam kong pinaghirapan ko ang lahat ng ito.

Lumipad palapit sa akin si Seal, habang si Uno naman ay nilalambing ako.

Sumakay ako kay Seal at tinungo namin ang madilim na karagatan. Plano kong gumawa ng isang malaking barko.

***

Level Up to Unlock the Next Chapter!

You've reached the end of [VR:ESW - CHAPTER 18]. To discover what happens next in this thrilling adventure, you'll need to level up your skills.

1. Engage with the Story: Comment, vote, and share, or discuss the story with other readers.

Once you've completed these tasks, you'll be ready to level up and unlock the next chapter. Are you ready to take on the challenge?