هوسي بإبنة عدوي الجزء الثاني (رواية بدارجة المغربية في طور الكتابة +18 )

الاجزاء الاولى

💀هوسي بإبنة عدوي 2 💀
👑oumaima mega👑
🎭1🎭

في ليلة كتعزف السماء ديالها السوداء لحن الهوس المزخرف بالحب الراقي و الهادئ ....و كيفوح منها عبير الصمت ...كنتواجدو في احد ناطحات السحاب العالية ...كان في الطابق ديالها المتوسط مقهى مخصص للبرجوازيين الضوء فيه خافت بزااف و الطوابل لي فيه قلالين و متباعدين بيناتهم ... و الناس لي جالسين في هاد المطعم قلال بزاف و كيهضرو باصوات هادئة تحت ايقاعات موسيقى الاوبيرا الراقية

في المائدة لي بالقرب من الحائط الزجاجي التابع للمطعم ..جالسة شقراء الملك في الفوطوي و برجل على رجل ...و هي منزلة حجبانها و كتشوف في هاد السما الكحلة و باين على وجهها المثالي القلق ...كانت في كامل جمالها و اناقتها ...مكانش عليها حتى تغيير كأن مرور 15 عام مجرد اشاعة او خرافة كيكدبها وجهها البريئ وجمالها الرباني بكل بساطة الزمن مغير منها والو غير مازادت جمال ...عينها الزمردية كتدورهم باستمرار و هي كتنزل راسها تشوف في الساعة الالماسية لي في المعصم ديالها ...و زاحت براسها بعيد لجيهة ديال الناس ...و هي تصغر عينيها و وجهها تكمش عينيها مباشرة ....في مائدة بعيدة منها كل البعد ....كان عليها شخص ضخم البنية بملابس كلاسيكية واخد الوسع ديال الفوطوي و هو داير رجل على رجل و بين صباعو السيجارة كتأكل مع النار لي فيها ....و على وجهو ماسك مخيف بزاف ومريب واخا هاد القناع كان ضاحك و لكن بطريقة مخيفة و فيه شوارب سوداء و ممعروفش فين كيشوف بالضبط ولكن كان اتجاه القناع في المكان لي جالسة فيه الشقراء...و حتى فمو كان مغطي كيفاش غادي يدخن هاد الشخص الغريب الاطوار و علاش مغطي وجهو بهاد الشكل ...هادو تساؤولات تطرحو على وفاء و هي كتشوف فيه حتى وقفت عند عينو لي كانت كتشوف فيها بشكل مباشر ....الحاجة لي خلقت الخوف في داخلها و خلات قلبها يضرب و نزلت عينيها لمائدة حست بشي حاجة ماشي موريحة في هاد الشخص و تقاست الروح ديالها نقية ... و فضلت مترجعش تشوف فيه وخا الهالة ديال روحو الخبيثة وصلت للعندها

عكسو هو لي كان مستقر نظرو عليها و عينو شديدة الغموض ...حول البؤبؤ ديالو ببطئ في اتجاه الباب و و تاسع ليه البؤبؤ ديالو كيشوفو داخل بعرض اكتافو كيتمشى في هاد المقهى الشاسع ...و عينو السوداء على وفاء ...هاد الاخيرة لي هزات عينيها و هي توسعها بفرح فاش شافتو حست بالامان و تنهدت و لكن بمجرد ما وصل عندها و هي تحول عينيها بتكبر بعيد

الريكس بشبه ابتسامة ديالو رفع حاجبو : واش ممكن
نجلس ؟

وفاء رجعت للور و ربعت يديها و معصبة بنبرة عتاب: كنعتادر كنتسنى راجلي لي تعطل عليا و مكلفش راسو حتى عيط ليا

الريكس ضحك عرف راسو قصر معاها في هاد اللحظة مشا
معاها في الدور : ادن نجلس انا نغتانم فرصة انه مكينش (و جلس قدامها و فتح الزر ديال الفيسط ديالو و هو كيشوف فيها واخدة خاطرها منو ) كيفاش قدر يخلي بنت زوينة بزاف و يتجرأ يتعطل