هوسي بإبنة عدوي الجزء الثاني (رواية بدارجة المغربية في طور الكتابة +18 )

93

💀هوسي بإبنة عدوي 2 💀
👑oumaima mega👑
🎭433🎭

وئام شدات بين يديها الصغيورة زهرة شديدة السواد و رسالة ملكية بلون الاسود مختومة بالدهبي عليها حرف A ...طلعت راسها تشوف في الشخص لي عطاها ليها و لكن كان غير ريح في مكانو ...رجعت عينيها للرسالة مستغربة فتحتها بشوية و خرجت منها ورقة قاسية كحلة فيها سهم دهبي على جهة اليسار ...مفهمتش مزيان دارت لجهة اليسار كان ممر طويل و عريض من ممرات لوتشي على جنابو اشجار عملاقة و كراسي جالسين فيهم المراهقين كيضحكو ...كانت كتساءل واش المغزى من رسالة هي انها تمشي من تما ...هزت اكتافها و دارت بفضول كتمشى ...خطوة خطوة ...كان في المقابل ديالها كيتمشى شخص على شكل استاد منهدم انهدام انيق و هاز في يدو صاك ....و قاصد وئام ...حتى وقف مقاطع طريقها ...وئام طلعت فيه عيونها مسبقش ليها شافتو من قبل

الشخص : انسة وئام ؟
وئام : اه هي انا ؟ ....هز يدو و عطاها وردة اخرى و رسالة بنفس الشكل ...كانت كتشوف فيه مصدومة و شداتهم من عندو كتشوف فيهم ...مجات فين تطلع راسها باش تسفسر على الامر حتى كان مشا ... و هي رجعت راسها فتحت الرسالة تاني و شعرها كتداعبو الريح ... كانت بنفس الشكل و لكن هاد المرة السهم كان كيشير لجيهة اليمين ...هزات راسها و دوراتو كان ممر اخر و لكن هادا خالي كليا ....فضولها خلاها تنعطف و تمشي في ممر خالي فحال هادا ...خطات خطواتها الاولى بحدر ..و هي كتدور في عيونها و مزيرة على رسالة و الزهور شنو المغزى منهم ...و كلما كتعمق في الممر كلما كتحس بوحد الخوف من هاد الطريق....وقفت باغا ترجع فحالها و نزلت عيونها لارض كتفاجئ بوجود رسالة من نفس النوع فوقها زهرة سوداء ...مشات ليها بجرية و هزاتها و فتحتها بفضول ....كانت سوداء و لكن هاد المرة مكتوبة بالدم " كنعتادر ... حيت مجوبتكش ....رسلتي 10 رسائل و مقابل كل رسالة مجوبتش عليها عندك وردة يعني في المجموع 10 وردات ....واش يقدرو يشفعو على لخطأ ديالي ......آركس "

وئام كانت هاد الكلمات كتغتاصب قلبها الدافئ و هي كتوسع عيونها و ابتسامتها : آصلاان ....بمنتهى الحب نطقتها و عينيها كتلمع بالدموع البلورية ...هزات عينيها فحال المجنونة كدور على راسها و كتقلب على اي ظل خاص بيه ... حتى استدارت ...و لقات زهور سوداء مصطفة على طريق ...مشات ليهم كتجري بابتسامة كتنقز و كتجمع فيهم حتى لاخر زهرة ...و طلعت راسها باش تلمحو واقف ...و داير يدو من موراه في اخر للممر....و تعابيرو جد جد جامدة و جافة من المشاعر و نضاضر في عينو ....و يدو عليها ضماد ديك الرسالة كانت بقربان الدم ديالو على عدم الاجابة .... هي غير شافتو و غوتت و جاية لعندو كتجري بابتسامة ...كانت فحال اللعنة المصاب بيها لي مقدرش يتخلى عليها ....هاهو كان كيحدد ميعاد موت الاب ديالها و في نفس الوقت كيفكر في اعتدار على رسائل كان مؤلم بالنسبة ليه عدم الاجابة ....حتى انه مبقاش مدرك اشمن لعنة غادي يتخلص منها واش ديال ابتسامتها و لا شعرها الاشقر و لا شنو بضبط ....و هاهيا وصلت للعندو دابا كتلاح في احضانو بمنتهى لحب و كتحوط يديها على عنقو بقوة و هازة رجليها على الارض ...حيد يد وحدة من مور ضهرو و حوطها على خصرها ...و كيسمعها كتهمس ليه باسمو مع انفاس ديال السعادة ... و ما اجملها من نغمات ..وئام فاتحة عويناتها في الفراغ و مخشية فيه ...غمضت عينيها بخضوع تام : توحشتك