💀هوسي بإبنة عدوي 2 💀
👑oumaima mega👑
🎭145🎭
و ناضت من مكانها و هي أمام أنظارو كلماتها زحزحت عرش رجولتو من مكانها خلات البؤبؤ ديال عينو كيتحرك معاها ...و حواجبو على وشك انهم يتعقدو و هو كيخسر السيفة ديالو جريان الدم ديالو تكلد بكثرة العصرة ديال القبضة ديالو اشتهى فيها الاجرام ....و هو متكي على الكرسي ديالو و دراعو على دراع الكرسي من السهل عليه انه يخرج السلاح من الحزام ديالو و هو كيشوف فيها و عينو كتزيد تحول للجمرات وهو كيكبح اعصابو عليها و صدرو كيطلع و كينزل ...وئام كتمشي أمامو و شعرها كيتحرك مع ميالاتها الانثوية و هي كتجبد عيونها في الفراغ و هازا الصاك ديالها و عاضة شفايفها و كتسرع في خطواتها تأخرت بزاف على الام ديالها وقلبها كينبض بقوة...و هي تسمع صوت تكسير من موراها ترددت صداها في الارجاء ديال المقهى فتحت عينها بصدمة و وقفت ووقف معاها قلبها واش الصوت جاي من الشخص الهادئ لي على بالها ....بدات كتستدير ببطء من موراها
النادل من بعدما جاب الطلبيات للمائدة لي فيها الاركس و حط أمامو الفينجان ديال القهوة ... الآركس عينو كانت كتحتارق و هو كيشوف فيها و في لحضة عصبية بدون وعي لا بالمكان و لا بالزمان زاح الفنجان بقوة من المائدة ولاحو على الأرض قدام ارجل النادل لي قفز من مكانو و انظار الناس كاملين تاجهات ليه ...و رجع غمض عينو كيتعصر و كيمتص غضبو ....وئام دارت كتشوف فيه و موسعة عينيها و كترمش فيه لأول مرة كتشوف عصبيتو لعنيفة لي زادت في دقات قلبها و ازدهارت خدودها و وسعت شفايفها بااتسامة خفيفة عصبيتو الجدابة هادي كتخليها تأكد من رغبتو بيها ...رجعت عينها للامام و مشات كتمشى بخطوات سريعة لسيارة ديالها و كابحة الابتسامة ...بضع خطوات حتى وصلت لسيارتها الخاصة و لي كارد كانو مجهزينها ليها وقفت بتنهد كتشوف فيهم برأفة و عاضة شفايفها هي دابا في حماية الاركس ماشي داديها اكيد ...الامر كيشعل في كيانها رغبة حب غريبة و احاسيسها كتخنق ..و ابتسامة لا ارادية و بدات كتمشى في اتجاههم ببطء شديد وحكت انفها بشوية بمنديلها...أما الرجل المتخفي فمزال في مكانو فتح عينو على الحليب بشكلاط محطوط امامو و اعصابو مبارداش و الخدم تحت اقدامو كينظفو شظايا الفينجان
في الشقة ديال رشا ...هاد الاستادة لجميلة مزال محتاضناه و كتبكي في عنقو و كتزيد تخشا في رائحتو رجولية ...وعد عاقد حواجبو تحركت ليه تفاحة آدم في الرقبة ديالو و يدو موضوعة في الهواء على شكل قبضة و بدا كينزلها ببطئ متجاوز فكرة انه يلمسها ...راشا فتحت عينها و رجعت راسها للور و انفها قريب من نيفو و مزال يدها في ضهرو هزات صدرها عليه بشوية و هي كتشوف فيه و كتهدر بصوت مبحوح : سمحليا حيت متحكمتش في احاسيسي
وعد مزال على نظراتو كيشوف فيها و حرك راسو بالنفي و ببطء : ماشي مشكل ... رشا كتشوف في عينو و كترمش بعيونها و فتحت شفايفها كانها غتقول شي حاجة وعد نزل عينو لشفايفها لا إراديا و هي سكتت و بمجرد مكيطلع عينو كتنقض عليها بعينيها
أنت تقرأ
هوسي بإبنة عدوي الجزء الثاني (رواية بدارجة المغربية في طور الكتابة +18 )
Action(ممنوع النشر او الاقتباس أو النقل أو الطبع سواء الكترونيا أو ورقيا إلا بتصريح خاص مني ....و جميع الحقوق محفوظة من قبل التطبيق و اي تشابه في اي فكرة من افكار القصة سيتم ازالة للحساب رسميا ) #ملخص لاعبها في المهد و هو خطيب والدتها ....و اقسم هلى تبني...
