هوسي بإبنة عدوي الجزء الثاني (رواية بدارجة المغربية في طور الكتابة +18 )

الاجزاء الثامن عشر

💀هوسي بإبنة عدوي 2 💀
👑oumaima mega👑
🎭50🎭

الآركس حول عينو الارض و كيلمح بعينو الساكادو ديالها الزهري مايل في الارض ....وئام في البناية ديال الاساتدة شادة من الفم ديالها بيدها بجوج و مخرجة عيونها و صوت انفاسها كيتسمع على بعد مسافات ...و هي كتجري بخطوات سريعة كتحاول تبتاعد ما امكن على المكتب ديالو ...هاد القبلة ماشي فحال السابقة كانت الحدة ديالها عالية و مضاعفة ....خرجات من البناية مطرطقة عينيها و هي مكتشوف والو من غير ضبابة ....لدرجة تلفت حتى منين غدوز و هي كتدور راسها يمين و شمال ....و بدات كتجري للاقرب حمام خاص بالاناث ... دخلات بسرعة البرق كتجري و كتنهج و حاطة يديها على الفم ديالها و عينيها لي كيدورو و حواجبها مرفوعين برأفة كانو تما بعض الفتيات لقاو عليها نظرة سريعة و رجعو كملو حاجياتهم ....و هي دخلت للطواليط و سدات الباب عليها و هي شادة من البواني و كتنهج ...و هالة ديال لعكر حايطة بفمها و رجعت للور جلست على الكرسي ديال المرحاض و هي مخرجة عينيها و وجمعت رجليها كيترعدو

وئام بشفاه كترجف و الحدة ديال القبلة باقا فيهم و قطرات العرق في الجبين ديالها و كتلتاقط انفاسها : ش ش شنو ه هادشي ؟ ... و حطات يديها على السايا ديالها و كتكمش فيها و كتزير على راسها و كتعض شفايفها و تحركات غريبة كتحس بيها في الداخل ديالها كيخليوها تزيد تعصر يديها صدرها كيطلع و كينزل و كدور في عينيها ....الى كانت القبلة الاولى هي لي كانت في ديسكو هادي شنو كتعني

في القصر ديال الريكس ....السيدة وفاء نازلة من الدرج و هازا الصاك ديالها في دراعها و نازلة كتمشى بطريقة أنيقة ...طلعات راسها بوجه جميل بارد بمجرد نزولها تقدمت للعندها منار

منار منزلة راسها ليها : مدام وفاء

وفاء هزات فيها حواجبها مفعمة بالثقة العالية و كتهضر بطريقة دقيقة : خاص للغدا ديال وثب و وعد يكون جاهز اما وئام غادي تكون معايا ليوم يعني بلاما تديرو بحسابها و جدو ليها غير الكوطي ديالها لي او
شوكلا (lait au chocolat)و لي بيسكوي

منار ضامة يدها : واخا ا مدام

وفاء : و حاجة اخرى ...يلاه غادي تستأنف الكلام و هي دور و صغرت عيونها كترقب دخول الريكس بالمشية ديالو البطيئة و تعبيرو الجامد من البوابة ديال القصر و حاني راسو كيفتح في الازرار ديل اكمامو فحالا كيمهد لشي حاجة...وفاء كتشوف فيه باستغراب طلعت يديها و حركتها بطريقة رسمية كتأدن لمنار بالانصراف و بدات كتحرك بخطوات سريعة و تقاسيم الدهشة على تعابيرها : فهد ؟ (خطوات سريعة حتى وقفت للعندو ) فهد علاش جيتي في هاد الوقت

الريكس طلع فيها راسو بحاجبو : راه قلت ليك ان صبر ديالي عندو حد ا وفاء

وفاء مجبدة عينيها و كترمش فيه و كانها فهمت المغزى ديالو : م م مفهمتش ؟ خ خ اصني نمشي دابا لجمعية حييت كاين حالات مستعصية ياك (حط يدو على الثنايا ديال الخصر ديالها و جبدها للعندو بقوة و التصقت انوثتها مع رجولتو و حط يدو الثانية على جانب خصرها وفاء كتطرطق فيه عينيها و هي تبدا ترطب معاه ) فهد مبغيتش دابا حتى ليل