هوسي بإبنة عدوي الجزء الثاني (رواية بدارجة المغربية في طور الكتابة +18 )

76

💀هوسي بإبنة عدوي 2 💀
👑oumaima mega👑
🎭352🎭

وئام كتشوف فيه و كتحرك راسها ايابا و بحواجب الرأفة ...الاركس استخدم ابتسامة جانبية خفيفة على شفاه ديالو ....و حيد يدو من خصرها الصغيور و مشا ليدها لي ناعمة و شدها في يدو ساد عليها بشكل لطيف باش ما يألمهاش ....و دار كيتمشى بيها يد في جيب و يد في يديها و جرها معاه ...و حتى هي كتمشى من وراء خطواتو في قمة الكياتة و بشكل لطيف و عينيها و وجهها كيدورو يقلبو على سنوبي الخاص بيها ....والو مبانش في عينيها لا هو لا أي واحد من ساكنة هاد القصر ....حتى دخل بيها للأحد الممرات السوداء ديال الفيلا ....و ككل مرة جميع الابواب مغلقة ...مالت شوية للعندو و خرجت غير صبيعاتها من يدو و بيهم زيرت على يدو ...الاركس كيتمشى بكل رزانة غير عينو لي ميلها جيهة يدها و رجعها لوضعها الاصلي ....و هي كتدور في عيونها لي لامعة لمعان الجواهر في المكان....حتى وقف قدام احد الابواب حيد يدو ثانية من الجيب و فتحو بشوية ....كان المكتب لي جابو ليها اول مرة ....جبدات عينيها حتى طرطقتهم لااا ماشي المكتب عاود تانيي غادي تحس بالملل و غادي غير تحفظ ميلت تعابيرها كترمق المكان بعدم رغبة و دارت كتشوف في الاركس و كتوسع عينيها و تعض في شفايفها

آصلان وقف و طلق من يدها و رجعها في جيبو و دار عندها كيشوفها بثبات : بقاي هنا غادي تجيك الماكلة ديالك انا شوية و غادي نجي ....غير سمعت انه غادي يمشي و يخليها زادت حلات عينيها وشهقت داخليا بصوت كتوم تمشات للعندو دغيا هزات يديها حطاتهم على حافة الفيسط ديالو و كتحرك شعرها بالنفي و بتعابير باكية : لا لا متخلينييش بوحدي ع عافاك ...و كتطلع على صبيعات رجيلاتها و ترجع تنزل و صبيعات يديها كيلعبو في الفيست بوحد الثوتر جميل ...الاركس انقضو حواجبو و ضهرو عليه ثراتيل جدية و هو كيلمح قطة كتخربش فيه و شكلها ملائكي بريء و كتبان هشة بزاف هو ممعتادش على هاد الهشاشة كلها تكون بين يديه و عاد عيونها للي كتعكس وجود شخص غريب بنفس الشكل ديالو شكون هاد الشخص مستحيل يكون هو ....خدا ثواني هو كيتغزل ببراءتها بعينو غادي يمشي لحافة الانجراف مرة اخرى ...هز يدو و حطها على كتيفاتها العارية و بغجهم ليها بجوج طلعها بيهم شوية كيطمنها وئام حتى هي هزات كتيفاتها : وئام مغاديش نتعطل بزاف اجي جلسي هنا ....حركها بشوية للفوطوي و جلسها تما و هي كترمقو بعيونها الجميلة البريئة كترجاه بيهم و هو تفادى النظر ليهم ...و ناض وقف ابتسم ليها ابتسامة خفيفة : غتبقاي هنا ؟ (حركت ليه راسها ايابا و نطق بفحيح خافت و بلكنة بريطانية ) good girl (فتاة جيدة ) ...و استدار بكل هدوء تحت انظارها للباب و نحا ابتسامة السخيفة هادي كيحس بالاختناق هو كيتدكر الشخص لي في عينيها

في المنتجع الجليدي ... عطا وعد الكارط بونكير السوداء الخاصة بيه لي فيها بعض نقوش الدهبية باش يخلص الهدية ديال الانسة الصغيرة لي معاه ...و روز حولت الهدية ديالها لكارد لي من موراها لي خداتها من عندها و حنات ليها راسها ...و دفنة على بعد مسافة كتلتاقط صور بعداساتها ليهم و الابتسامة على شفايفها