هوسي بإبنة عدوي الجزء الثاني (رواية بدارجة المغربية في طور الكتابة +18 )

83

💀هوسي بإبنة عدوي 2 💀
👑oumaima mega👑
🎭392🎭

الاركس حدو دور فيها نظرة جنب رافع حاجبو ...هاد تصرفات الساقطات كيعرفهم مزيان في هاد السنين عاشر منهم بزاف .... انقابضو حواجبو و نظرتو كانت قاتلة مخفية من تحت النضاضر اصلا جاي بقلب محتارق بالعافية لي شعلها هو بنفسو وماشي على الكانة ديالو غير جاتو في الخدمة اما كان غادي يكون عندو تصرف اخر معاها على جرأتها انها تلمسو بلا إدن هي ناضت عليه بابتسامة 

رجل من الرجال : نبداو لعبة ديالنا ...رجع عينو للعمل ديالو و بداو كيتفرقو الاوراق

في الملعب ديال الكولف لي كان خالي تماما ....كانت عربة بالابيض مركونة على الجانب ....و الريكس واقف و في يدو قفزات بالابيض و لابس ملابس رياضية خاصة و كاسكيط ....و حداه وئام حتى هي لابسة ميني جيب بالابيض و تقيشرات و سبرديلا و ديرا كاسكيط ديالها و كتبسم ...و روز بالقرب منها بنفس الستيل ...وعد من موراهم لباسو رياضي الكاسكيط فوق راسو و دير يدو في جيبو كيشوف في الريكس ....وثب و وفاء بعادين شوية عليهم حتى هما بلباسهم الرياضي و وثب قالب الكاسكيط و شاد عصا ديال الكولف كيعلم في وفاء كيفاش حتى ضرب  الكرة و تجيبها في الحفرة : شوفي ا وفاء فين غنقدر نوصلها .... و وفاء حاضيا معاه كتمنى شي نهار تعلم هاد للعبة و كتصفق ليه فاش كيجيبها في حفرة نيشان

الريكس ضرب بعصاه و بقوة الضربة ديالو الاولى ....حتى لكرة طارت بعييد بزااااف و الهدف عندو يوصلها للابعد مسافة و دار عند اميرتو وئام : دابا دورك ا الاميرة ديالي ....و عطاها العصا ديال الكولف و نزل قاد ليها الكورة في مكانها ...و رجع بللور وئام شدات العصا و زيرت عليها و خدات نفس خاصها تفوت الاب ديالها ....هزات للعصا تال سما و ضربتها ....طبعا ميمكنش تفوتو جات بعيدة بزااف عليه و هي تغير تعابيرها بدلع للحزن و طلعت حواجب الرأفة و دارت عند الريكس : داديييي مجاتش
الريكس شاف في الكرة و رجع عينو ليها و بشبح ابتسامة تقدم للعندها و حط كرة اخرى في نفس المكان وجاها من للور دارها في احضانو وشد ليها من يديها بجوج : غادي نديروها انا وياك و غادي تفوتيها ....وئام كانت مطلعة فيه راسها عجبتها الفكرة حركت ليه راسها ايجابا ...و رجعو شافو في الكرة طلع العصا بيديها و ضربها بقوة و فعلا فاتت الكرة ديالو لولة

وئام وسعت عينيها و ابتسامتها و طلعت فيها راسها : داديييي ههههه ...الريكس بابتسامة جانبية كيبين ليها انه هو القوة ديالها و سندها الوحيد ...حيد عليها و دار الريكس عند وعد : تفضل دابا دورك ....دارو عندو حتى وئام و روز ...وعد كيشوف في الريكس و انقابضو حواجبو صدمو كلام الريكس ...دار شاف في كرة الريكس لي صعيب يوصلها و مخصوش يبان اضعف بحكم وجود روز هنا
الريكس : يلاه ا وعد ...وعد دار عندو و حرك ليها راسو ايجابا و تقدم للمنصة خدا العصا و بجدية كيشوف فيها و طلع عينو في روز لي كانت متلهفة تشوفو شنو غيدير و مستبشرة غير شاف فيها خجلت منو و حنات عينيها ...و هو رجع كيشوف في كرة الريكس دابا ولا الامر بالنسبة ليه تحدي خاصو يوصل لكرة لبلاصتها وهو يقادها و رفع العصا باقصى قوة عندو و لي كيمتالكها و ضرب الكرة حتى طارت