هوسي بإبنة عدوي الجزء الثاني (رواية بدارجة المغربية في طور الكتابة +18 )

118

💀هوسي بإبنة عدوي 2 💀
👑oumaima mega👑
🎭523🎭

بالعودة للآركس ...لي كيتمشى وسط الفيلا ديالو المسودة بداك لحاف لي على كتافو لي زادو جادبية و سلطوية ... فحال شي ملك متصدر عرش السواد ...كيدوزو عليه الخدم باستقامة تامة و بمجرد مرورو كيوقفو و كينزلو رؤوسهم باحترام و بشكل متوازي مكينش خطأ في تنظيم ...و من موراه تابع ديالو لاس ...وقف في وسط الفيلا ...كيبحث بين السواد على الملاك ديالو ...و لكن ملقا إلا لفراغ ...وهو يكمش ملامحو بانقباض حاد و استدار من موراه لعند لاس لي وقف

الاركس بلكنة بريطانية : فين هيا
لاس حرك عينو للجدار الزجاجي لي تضبب بقطرات الما : مخليتهاش الدخل لهنا بقات برا
الاركس فحالا خنجر تغرس في قلبو وسيل دمو لأسود غمض عينو ببطئ وشدد عليها وحواجبو بشدة انقباض رمح القوس .....ورجع فتح عينو لي كانت ملونة بجمرات من جهنم حتى ضهرو فيها خيوط دموية على وشك لانفجار و هز حاجب و بلكنة تحديرية كتسبق العاصفية : شنو ؟
لاس كيشوف في التغير ديالو الشرس باستغراب : قلت من الاحسن مدخلش لهنا ...الاركس بدون مايزيد معاه كلمة رفع غير صبع من يدو السليمة باش يسكتو ....و انضارو الغاضبة وعيونو الدموية كتخلي اي واحد قدامو يلتازم الصمت بحذر من انفجار بركان غضبو...لأركس دار لحائط الزجاجي لقا الشتا كتمطر ...بلاما يفكر بسرعة استدار و لحاف كيتحرك معاه ...و مشا بخطوات سريعة لجيهة الدرج ...و لاس دور راسو لجيهة لخرى ...وصل اركس لدرج و بدا كينزل فيهم ...و من حدو كيهبط و هو كيلمح وحد العصفورة بللها المطر ...و جالسة عند حافة الفيلا ...و كلها كترعد و ضامة يديها و ملابسها ولات شفافة و كتقطر بلما ... و شعرها لصق على داتها ...بطئ من سرعة خطواتو هو كيشوفها بهاد الشكل المثير للشفقة ... بداو حواجبو كيتلاقاو من شدة الغضب لي كيحرق في اعصابو ....و طلع عينو لي تراكم فيها الغضب حتى ولا فحال شي وحش جائع للدماء وهو كيشوف لي كارد ديالو واقفين بكل جرأة بلا حتى مايغطيوها ولو بمضلة ...بدا كيكشر على انيابو الحادة بسخط و كيجمع القبضة ديالو والهوس كيزيد يهيج غضبو اكثر باش يفجرو ليهم على رؤوسهم...وئام كانت كترجف ...استدارت غا صدفة من موراها ببطئ و هي توسع عينيها و كتعكس صورتوو و اخيرا شافتوو قلبها لي كان مشتاعل فحال حطيتي عليه مكعب ثلج
وئام فاتحة عينيها على وسعهم فيه و نطقت بشفاهها لي كترجف : ا ا اااصلااان ...و ناضت بسرعة من تما طالعة لعندو ...و هي توقف بصدمة فاش شافت ضمادة في صدرو و حطت يديها على فمها بشهقة ...الاركس نزل عينو في صغيرتو لي كتقطر بلما و كترجف وملابسها وشعرها لتاصقو مع جسمها ...تحولت انظارو بشكل رحيم عليها ...طلعت كتجري و حطت يدها على دراعو المصاب بلا قصد و عينيها كيعكسو الخوف عليه وكترجف : اااصلان شنووو وقع ليك ( و بدات كتميل شفايفها و كتنزل دموعها بحزن و ألم وهي كتحرك عينيها في الضمادة ) هيء هيء هيء اصلان ش ش شنو وقع هيء هيء كنت عارفة ان شي حاجة وقعت ليك
الاركس حواجبو منقضة في بكاءها لي كيزعزع عرش قلبو : وئام متبكيش هادا غير حادث بسيط ماشي شي حاجة ...و كيشوف عيونها كتلمع مع دموع و كيفاش خايفة عليه و هي عاشرت لمطر لساعات بلاما تشكي
وئام حيدت يديها و شفايفها كيرجفو و جسدها كلو كيرجف الحاجة لي كتخلي عينو و كيانو ينفث براكين ديال العصبية و الغضب
وئام : هيء هيء عاد عرفت هيء هيء علاش مخلاونيش ندخل عندك هيء هيؤ هيء باش منشوفكش هاكا
الاركس هز يد وحدة حيد بيها لحاف على كتافو و لكنتو قاسية خشنة : انا بخير دابا ديري هادا حيت غتمرضي ....و دور لحاف بيد وحدة على اكتافها كيغطيها
وئام مزال كتألم و هي كتشوف الضمادة في كتفو : لا لا لا غاخليه
الاركس : ششششش (و هو كيسد هاد لحاف عليها و هز يدو زاح بشعرة مبللة من على جبينها ) اجي عندي ...و حوطها بيد وحدة مزير على كتفها و خشاها عندو في جنبو السليم حتى هي تخشات فيه كتحس بالدفئ من بعدما عاشت قسوة مع رجالو غير هو قلبها كيألمها من جيهة الحادث....الاركس طلعها بشوية عليها و حرك عينو بوحد البطئ ممزوج بوحد الرعب كينبأ على دمار غيصيب هاد المملكة و شاف مباشرة في عين لاس ...لي واقف تما ...هاد الاخير لي عرف انهم من بعد هادشي غيواجهو "غضب الاركس" كلهم بدون استثناء
💀هوسي بإبنة عدوي 2 💀
👑oumaima mega👑
🎭524🎭